鯛魚魚湯專門店

記得之前食過鰂魚涌果間，太震撼味蕾，好好食，今次黎到九龍城，一於試下分店手勢如何。

我叫左豬扒小食，crazy地大份😨😨😨同埋炸得好好，非常酥脆之餘仲要唔會油，佢有個架隔一隔d油，d肉都唔鞋口，佢仲要即叫即炸，試枱果刻仲要熱辣辣，呢個推！

之後我再叫左個龍蝦，佢啖湯好鮮甜好好味，龍蝦又大隻，啖啖肉，仲有連菜都好多架！呢個好抵食！

另外呢個牛肉蕃茄都唔錯，唔係茄膏味，真蕃茄，d肉多到唔使錢咁，都幾淋身，份量好多！