古今

營業中

休息中

今日lunch 又選擇返古今，佢嘅卷物真係要去多幾次先至試得曬。上次食完吞拿魚同三文魚，今次就食炸蝦同炸完殼蟹。 《火焰金龍捲$105》有炸蝦，忌廉芝士同三文魚。基本上有忌廉芝士嘅卷都係好卷。size一口份量，令人欲罷不能。 《蜘蛛$103》個名改得好。酥炸軟殼蟹嘅八腳朝天真係好似一隻落難蜘蛛，配合埋清新青瓜絲，牛油果同大條蟹柳一齊食，都幾飽肚。 推獎《埼玉網燒牛舌$78》爽口彈牙，牛味特出，配埋秘製醬汁一齊食。 《日式章魚小丸子$48》size迷你，但入面每粒都有八爪魚絕不馬虎。