百芳池上便當 (太古城中心)

營業中

休息中

今日早收工返屋企又無野做，就約咗友人睇戲食飯，黎到太古城中心，十分方便，睇戲又未夠鐘，就坐低食下野，傾吓計，比我地發現左呢間餐廳，就入去試吓啦。首先友人就選左紅燒台灣牛肉麵，大大碗，啲牛肉非常入味同淋，一啲都唔會痴牙，十分好味，啲麵好多好彈牙，而且個湯底好鮮甜，非常濃厚既牛肉湯底。友人食到津津有味。再叫多個皮蛋豆腐，皮蛋有成半隻咁多，連咪啲豆腐食真係好好味，再點啲醬汁食好味到停唔到口。我就選左個鹽酥雞便當，啲雞炸到金黃色又非常可口，好脆口又唔會油膩，重有啲配菜成個感覺都好豐富。份量岩岩好，岩曬我呢個大肥仔。最後叫左兩杯野飲，一杯係珍珠鮮奶，非常之滑溜而且珍珠都好多，唔會好甜，最岩我地呢啲健康一族。令一杯係芋頭鮮奶，入面有好多芋頭碎，口感一流，係我既最愛，非常好飲。