來多碗車仔麵 (路德圍) (已結業)

湯底無味(已加腩汁)，米線淋到死，老公碗粗面唔好食。我叫左6個餸，牛腩無味，切到絲咁幼；冬菇都係無味嘅；福州魚蛋唔彈牙，魚皮餃一般無特別嘅現成貨；豬大腸其實係豬小腸，好押，最好食係個菜。老公食左豬紅，佢話ok；魚片頭有如擦膠；墨丸正常；韮菜餃皮厚，料少。食完仲要去轉角冰室再食。唔會再去。其實食車仔麵做晚飯已經係對個餐冇乜要求。有時候真係覺得佢地係整熟左啲嘢然後就賣俾人。我真心覺得做飲食要過得自己過得人囉。