又係一解鄉愁嘅時候啦~ 穿過鳥居，走過石路，彷如置身日本神社 (比啲幻想力)。
我就幾鍾意吧枱位置，可以欣賞到串燒師傅既功架。
而靠窗位置則可飽覽維港璀璨嘅景色
1
▪️鰻魚鴨肝飯 $268
鰻魚厚肉軟腍帶彈性，鵝肝入口即溶，油香十足，亦帶焦香。如果覺得太膩，就可以配酸甜爽脆嘅青蘋果片一齊食。略嫌鰻魚汁太少唔夠撈飯，如果可以再多啲鰻魚鴨肝就好啦
▪️福岡豚肉京蔥卷 $38
豚肉充滿焦香，京蔥清新爽口 唔會太老。
▪️免治雞肉棒 $48
幸匠燒signature串燒！雞肉棒加入粒粒雞軟骨，增添口感。免治雞肉唔會太鬆散或者太實。醬汁帶甜，調味到位，加埋蛋汁，入口更滑嫩。
▪️福岡豚肉草莓卷 $58
1
鎮店福岡豚肉野菜卷 以草莓卷作招牌，如此創新既組合，食落相當有驚喜！果香滿溢的日本新鮮草莓碰上油脂豐腴的豚肉，再沾上煉奶，鹹酸甜交集，清新不油膩。
▪️九州槍魷魚燒 $168
差唔多枱枱都有嗌呢個魷魚！每一條魷魚都裹滿甜甜地嘅醬汁，質地彈牙，一啲都唔韌。
▪️明太子幸福玉子卷 $98
玉子卷火喉岩岩好，濕潤軟嫩唔會太老，甜甜地，蛋味幾濃。中間嘅明太子分量唔少，不過佢嘅辛辣鹹香就唔算好突岀。
