影片
更多
2011-12-23
47 瀏覽
第一次入韓國街搵食, 真係唔知邊間好食 邊間正宗 由街頭行到街尾, 間間都咁多人, 咁就由街尾開始拎飛, 睇下邊間快就食邊間啦~~ 但行到呢間, 見個裝修幾簡單整潔, 大部份客人都係後生仔女, 感覺上唔錯, 再睇埋佢個menu, 好似幾抵食咁, 又唔係食韓燒, 見到佢門口個menu好似都幾多款式, 所以決定等呢間...............等下傾下, 等咗差不多半個鐘就到我地, 應該算係唔等得耐掛 仲要比我地坐最角落頭, 雖然隔離係廁所, 起碼冇咁多人打攪, 食耐咗傾耐d都唔會比門口等位d人 "啤"..............終於睇咗食乜好, 我地3個人, 所以就先叫3樣嘢, 食完睇下夠唔夠先再encore.................叫咗個伙計埋嚟, 見佢應該唔係本地人, 所以我地諗住指餐牌比佢睇住落單, 但佢叫我地自己將要食果樣嘢個編號寫在枱面上放着的紙仔上, 我地照做............响等緊食嘢時, 周圍影下相, 但由於我地坐响死角位, 唔係點影到乜嘢, 簡單影下枱上的擺設, 天花的裝修, 然後斟下水飲, 完全自成一角, 正~~ 响未上菜時, 先上3碟前菜, 有醃蘿蔔
等下傾下, 等咗差不多半個鐘就到我地, 應該算係唔等得耐掛 仲要比我地坐最角落頭, 雖然隔離係廁所, 起碼冇咁多人打攪, 食耐咗傾耐d都唔會比門口等位d人 "啤"..............終於睇咗食乜好, 我地3個人, 所以就先叫3樣嘢, 食完睇下夠唔夠先再encore.................叫咗個伙計埋嚟, 見佢應該唔係本地人, 所以我地諗住指餐牌比佢睇住落單, 但佢叫我地自己將要食果樣嘢個編號寫在枱面上放着的紙仔上, 我地照做............
响等緊食嘢時, 周圍影下相, 但由於我地坐响死角位, 唔係點影到乜嘢, 簡單影下枱上的擺設, 天花的裝修, 然後斟下水飲, 完全自成一角, 正~~
响未上菜時, 先上3碟前菜, 有醃蘿蔔同泡菜...............2樣我都唔鍾意食, 但在友人從容下, 每樣都試咗少少, 但發覺2樣都唔好食lor~~~ 醃蘿蔔太鹹, 日本果d酸d好食d 泡菜太辣, 而且太酸.............
海鮮煎餅
似蔥煎餅lor~~ 成個餅只係搵到少少魷魚粒, 有80%都係蔥, 對於我唔鍾意食蔥的人簡直見到都唔想食, 但都要試下..................個餅煎得唔夠香, 食粉同食蔥, 仲要係林pat pat的, 點咗個汁叫做好食d, 起碼少少酸酸辣辣....................炆牛肋骨
其實似炆牛腩多d, 我地果兜差不多舊舊都係淨肉, 肉質似瘦肉, 鞋鞋地, 又冇乜肥膏, 好彩炆得好林咋, 如果唔係就會似食緊牛肉乾................我見人地d牛肋骨真係有骨, 我想lun下d骨都冇.................佢個汁真係超正, 用嚟送飯真係連餸都唔駛食, 所以佢係包1碗白飯~~ 汁撈飯真係可以食2碗~~
石窩飯
上枱果時仲係喳喳聲架~~ 亞姐一拎上枱已經急不及待撈勻佢, 搞到我影唔到佢原來面目, 只係影到佢比人搞完個樣.............可能因為有隻生蛋關係, 所以一定要趁熱撈勻, 真係好service~~個飯有少少辣, 但對於我唔食得辣嚟講, 絕對接受到, 佢有好多材料, 全部切絲, 好似有d肉絲, 蘿蔔絲, 木耳絲, 泡菜, 其實我都唔肯定有咩材料, 因為撈到亂哂, haha~~
總括嚟講都幾好食, 仲有少少飯焦咬下, 但佢又唔會係焦到黑哂果種..............
人參雞湯
差食不多食完前面果3個餸, 吹吹下水, 有人提議叫多個人參雞湯, 我開頭都唔係好想, 但人參雞湯係出名韓國食品, 點都要試試, 所以就叫咗...........其實我諗都等咗超過10分鐘先上, 非常之熱辣辣, 冇睇錯應該係有成隻雞, 但當然係好細隻果d啦~~~ 雞入面塞滿糯米, 仲有幾粒紅棗同人參, 都可以算係好真材實料.......................所以飲完之後我喉嚨痛咗幾日, haha~~ 補得濟.............
我地都坐咗差不多個半鐘, 真係好彩係坐死角位咋, 如果唔係應該坐唔到咁耐, 到我地走果陣, 已經冇人等位, 仲有一半吉枱tim~~~ 但果時只係九點幾.................
張貼
