Morton's of Chicago

254
42
11
等級4
2021-09-19 1707 瀏覽
🥳登登登登!終於到熊妹生日大日子!咁開心的日子緊係要慶祝下喇!📌懶懶熊神神秘秘咁帶左熊妹黎到尖沙咀《喜來登酒店》🏨,仲要走後門入,原來係上到4️⃣樓的《Morton’s of Chicago》排房食貴價西餐呀🤩。📌實不相暪,熊妹真係好少可黎高級餐廳食高級西餐,懶懶熊此舉真係好抵讚🥰。📌黎到高級餐廳,當堂變成高貴人士,熊妹都即刻收起大媽聲線,講野都唔敢太大聲,挺胸收腹,眼望前,行路要好有自信咁。📌華麗的水晶燈💎,散發出柔和的光線,營造非常浪漫嘅氣氛。四方形枱鋪上白色嘅的枱布,潔淨又高雅,典型西式餐廳的怖局。📌一入到餐廳,全場爆滿咁濟,有穿西裝的來應酬傾生意,有一對一對的來慶祝紀念的,也有三五知己來聚聚舊的,在高級地方享受一下高級氣氛。熊妹驚喜地被職員帶到去唯一一張吉嘅窗口枱,好明顯係懶懶熊一早預留咗。📌一嚟到,枱上面就又有驚喜,係有「Happy Birthday」嘅木牌同彩紙碎佈置㗎,令熊妹雀躍萬分啦!📌打完一輪卡📸,就梗係睇吓餐牌有咩食啦。📌第三重驚喜又來啦!餐牌上面第一句就係「Happy Birthday,熊妹!」下面仲有當日的日期,即係生日日期添,熊妹嗰下真係驚喜到呆咗,完全俾唔到啲咩
更多
🥳登登登登!終於到熊妹生日大日子!咁開心的日子緊係要慶祝下喇!

📌懶懶熊神神秘秘咁帶左熊妹黎到尖沙咀《喜來登酒店》🏨,仲要走後門入,原來係上到4️⃣樓的《Morton’s of Chicago》排房食貴價西餐呀🤩。
48 瀏覽
1 讚好
0 留言
📌實不相暪,熊妹真係好少可黎高級餐廳食高級西餐,懶懶熊此舉真係好抵讚🥰。
📌黎到高級餐廳,當堂變成高貴人士,熊妹都即刻收起大媽聲線,講野都唔敢太大聲,挺胸收腹,眼望前,行路要好有自信咁。

📌華麗的水晶燈💎,散發出柔和的光線,營造非常浪漫嘅氣氛。四方形枱鋪上白色嘅的枱布,潔淨又高雅,典型西式餐廳的怖局。

70 瀏覽
0 讚好
0 留言
📌一入到餐廳,全場爆滿咁濟,有穿西裝的來應酬傾生意,有一對一對的來慶祝紀念的,也有三五知己來聚聚舊的,在高級地方享受一下高級氣氛。熊妹驚喜地被職員帶到去唯一一張吉嘅窗口枱,好明顯係懶懶熊一早預留咗。

69 瀏覽
0 讚好
0 留言
📌一嚟到,枱上面就又有驚喜,係有「Happy Birthday」嘅木牌同彩紙碎佈置㗎,令熊妹雀躍萬分啦!

📌打完一輪卡📸,就梗係睇吓餐牌有咩食啦。

437 瀏覽
0 讚好
0 留言
📌第三重驚喜又來啦!餐牌上面第一句就係「Happy Birthday,熊妹!」下面仲有當日的日期,即係生日日期添,熊妹嗰下真係驚喜到呆咗,完全俾唔到啲咩反應,所以由懶懶熊繼續點餐。

洋蔥包
95 瀏覽
0 讚好
0 留言
洋蔥包跟牛油
食西餐前一定會放上麵包墊下個位胃。

哇!呢個餐包真係世界級咯,真係可以講得上係大過一個人個頭,可以當生日蛋糕咁變成係生日麵包。🍞
焗得非常美味,熱熱地,入邊麵包好軟熟,又有質感,唔係空氣麵包。趁暖暖地塗上莫爾頓嘅自家製牛油🧈,更加提升本身麵包嘅洋蔥香🧅,懶懶熊非常欣賞呢個餐包,可能食慣茶記餐包,未食過高級嘢啩?

莫爾頓海鮮拼盤
66 瀏覽
0 讚好
0 留言
莫爾頓海鮮拼盤
頭盤係海鮮拼盤,可以揀生嘅或者熟嘅,懶懶熊同熊妹唔係好鍾意食生野,梗係所以揀熱盤喇。

海鮮拼盤包括有焗生蠔、蟹肉餅、大蝦同帶子煙肉,二人份量。

從來都唔食生蠔🦪嘅熊妹,今次真係破例一次試下,又幾唔錯喎!焗生蠔面頭鋪上芝士,多汁又唔腥,仲有好蠔嘅鮮味。

蟹肉餅🦀好大一件,有好多蟹肉絲,上下面都煎得脆脆地,啖啖蟹肉好滿足,一人一件,唔洗爭。

大蝦🍤剝咗頭,用牛油煎得好香口,蝦肉好彈牙,口感非常。

帶子好大一粒,鮮味十足,有一塊煙肉包裹著,慢慢滲出鹹鹹的煙燻味,不過冇煎烤過,似係烚熟咁樣,無乜油就冇咁脆口啦。

上等腰肉牛排
61 瀏覽
1 讚好
0 留言
上等腰肉牛排,24oz
黎《Morton's》,梗係食牛排喇。

嘩嘩嘩嘩,真係可以用手掌咁大的斧頭🪓黎形容呢塊牛排🥩。
超級厚實一塊,由於懶懶熊同熊妹怕生,所以點左medium-well。

上等腰肉牛排
54 瀏覽
0 讚好
0 留言
切開黎睇睇,入面係粉嫩色,無血水的,表皮煎得脆皮香口,咬落好有堅有牛味,一啲都唔鞋,懶懶熊同熊妹都認為唔點醬食原汁原味最美味😋,咁大舊肉兩份食,頓時好似變成食肉獸甘。

芝士松露薯條
48 瀏覽
0 讚好
0 留言
芝士松露炸薯條
西餐据排配菜就緊係跟薯條,先係perfect match!👐🏻
好大一兜幼身薯條🍟,面頭灑上巴馬臣芝士碎同少許黑松露粉,再跟上一大兜薯條最佳配撘的茄汁🥫,可以大啖大啖咁撈,正呀!

不過,老實說,熊妹認為薯條質感有啲似麥當當貨色,所以就未算好有驚喜,咁多carbs都唔洗食咁多喇。

忌廉菠菜
39 瀏覽
0 讚好
0 留言
忌廉菠菜
食咁多油膩肥膩澱粉質野,罪惡感上升百倍🔝。
聞落好濃烈芝士香🧀,質感食落好濃稠,芝士味本身重味,菠菜又攪碎哂,所以唔係好覺食菜咁。一兜又唔算好大,但可能因為忌廉芝士都比較濟,食幾啖都停口嚕,事關塊斧頭牛🪓真係填滿左個胃。

甜品拼盤
47 瀏覽
0 讚好
0 留言
甜品拼盤
最後緊係唔少得飯後甜品喇,熊妹唔係幾好朱古力🍫,所以放棄左莫爾頓招牌的心太軟,揀左甜品拼盤。

正呀!拼盤有四款甜品包括紐約芝士餅、法式焦糖燉蛋、朱古力草莓、朱古力慕絲蛋糕,二人份量,抵食喎!

紐約芝士餅🍰嘅忌廉芝士口感好濃稠,淡淡地嘅忌廉芝士香味,細細地一件一啲都唔膩。

法式焦糖燉蛋🍮上面嘅焦糖層都有啲厚度,係有得食成塊焦糖咁。燉蛋好滑溜,好香蛋味同雲尼拿牛奶味,絕對有返咁上下功架。

朱古力草莓🍓係好簡單的草莓點落熱熔朱古力再冷藏變成有層薄朱古力層包著草莓,草莓好甜好新鮮,又食生果又食甜品咁。

朱古力慕絲蛋糕🍫就係好軟滑的慕絲同好濃稠的brownies作底,味道唔係太甜,朱古力愛好者包括懶懶熊一定好喜歡💕。
42 瀏覽
0 讚好
0 留言
📌完美,就是無瑕,感謝懶懶熊,感謝《Morton's》🙏!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$1100 (晚餐)
慶祝紀念
生日
推介美食
洋蔥包
莫爾頓海鮮拼盤
上等腰肉牛排
上等腰肉牛排
忌廉菠菜
甜品拼盤