24
19
10
等級1
1
0
今日同同事去樂林食晏,食到一肚火!!!同同事一路傾計一路等,中途隔離枱有位男客人話碗米線有條頭髮🤨見佢夾左出黎就算!等左差唔多25分鐘,大部份客人已經食完走,我哋就向樓面反應,樓面就入廚房催,並同我哋講句吾好意思,因為人手吾夠。其後發現有幾個比我哋遲入座最少15分鐘嘅客人都已經食緊嘢😑再等多5分鐘,見到樓面又將食物送到比我哋遲入座嘅客人枱面,我哋就忍吾住再出聲催促,旁邊亦有幾枱客人都反應等左好耐,食物都未到😪過左一陣,同事碗米線終於送上枱,同事原本落左魚片頭,但碗入面係魚蛋,舉手想向樓面A反應,樓面A以為我哋催單,話已經整緊就行開左,之後向樓面B反應,樓面B向廚房查詢後回覆我哋,廚房話冇魚片頭,同事問點解冇魚片頭吾講,擅自換左魚蛋,樓面B話吾知,樓面A插嘴話冇晒魚片頭,魚蛋你ok嗎?同事話吾ok,佢哋先問想轉乜餸😓過多一陣,我嗰碗米線都送上枱,一睇發現漏左腐皮,我都驚可能擺左喺最底先見吾到,所以我都成碗摷下,但都吾見有腐皮,所以向樓面A反應,我亦同時再摷俾佢睇係冇嘅,佢話好似見到喺米線底下,講完就行左去廚房🙄我哋再摷多次,真係確認漏左腐皮就舉手,樓面A就拎左碟腐皮俾我。之後都有其他食客
更多
今日同同事去樂林食晏,食到一肚火!!!

同同事一路傾計一路等,中途隔離枱有位男客人話碗米線有條頭髮🤨見佢夾左出黎就算!

等左差唔多25分鐘,大部份客人已經食完走,我哋就向樓面反應,樓面就入廚房催,並同我哋講句吾好意思,因為人手吾夠。其後發現有幾個比我哋遲入座最少15分鐘嘅客人都已經食緊嘢😑再等多5分鐘,見到樓面又將食物送到比我哋遲入座嘅客人枱面,我哋就忍吾住再出聲催促,旁邊亦有幾枱客人都反應等左好耐,食物都未到😪

過左一陣,同事碗米線終於送上枱,同事原本落左魚片頭,但碗入面係魚蛋,舉手想向樓面A反應,樓面A以為我哋催單,話已經整緊就行開左,之後向樓面B反應,樓面B向廚房查詢後回覆我哋,廚房話冇魚片頭,同事問點解冇魚片頭吾講,擅自換左魚蛋,樓面B話吾知,樓面A插嘴話冇晒魚片頭,魚蛋你ok嗎?同事話吾ok,佢哋先問想轉乜餸😓

過多一陣,我嗰碗米線都送上枱,一睇發現漏左腐皮,我都驚可能擺左喺最底先見吾到,所以我都成碗摷下,但都吾見有腐皮,所以向樓面A反應,我亦同時再摷俾佢睇係冇嘅,佢話好似見到喺米線底下,講完就行左去廚房🙄我哋再摷多次,真係確認漏左腐皮就舉手,樓面A就拎左碟腐皮俾我。之後都有其他食客反應有落漏餸嘅情況😪

食左大概4分1碗米線,想食腐皮嗰陣,摷左幾下就發現左一隻5mm左右嘅甲甴,立即向樓面B反應,樓面B拎走碟腐皮入廚房,出黎後就問我哋想轉乜餸,我哋都冇晒胃口,表示吾需要後就俾錢走人。

發生咁多事都冇人有表示歉意,直到樓面A計完錢後先講左句吾好意思🤷🏻‍♀️

等左咁耐,等到d 咁嘅野食同服務🤦🏻‍♀️🤦🏻‍♀️🤦🏻‍♀️
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-02-27
用餐途徑
堂食
用餐時段
午餐