利苑酒家 (洗衣街)

營業中

休息中

每次都想食片皮鴨都會想起利苑，不過一定係旺角呢一間，我試過去銅鑼灣嗰間食，覺得冇咁好食，太子呢間上菜嘅時候，隻鴨仲係熱，食落口塊皮非常脆，鴨油非常香，而且肉非常Juicy，而包住塊鴨嗰塊皮，好薄，我食過好多間店都唔夠佢咁薄，佢嘅配菜只有蔥同青瓜，冇其他專門食片皮鴨嘅店咁多配菜，不過其實食片皮鴨最重要唔係應該就係隻鴨好唔好味咩。另外呢度嘅雷沙湯丸我亦都好鍾意食，湯圓皮好薄，芝麻餡料，加上花生碎係外層，啱晒我呢啲貪心嘅人，唔需要選擇食芝麻湯圓好定花生湯圓好，一次過滿足晒兩個口味。