影片
更多
2025-06-11
97 瀏覽
自從搬咗出嚟住後，就比較少同爸爸媽媽兩個撐枱腳，襯今日難得同兩老早咗食完飯，就決定食埋甜品先再上去小妹屋企坐吓❤️旺角甜品店數量真係令人有選擇困難症🤯，右邊聰嫂甜品、左邊佳佳甜品、行去煙廠街仲有三四間選擇、再行前啲窩打老道又有間Shari Shari氷屋，你哋話係咪太過份呀😂不過小妹一家最喜歡食啲未食過😎於是決定行去波鞋街方向，原本諗住去HeSheEat食雪糕，但小妹爸話想食中式糖水，點知一轉個頭就見到呢間叫做《甜悅》的糖水店😍係可以一次過滿足多個願望的甜品店🫰🏻《甜悅》店內打造文青無印風，令小妹一家感到十分舒適，餐牌內甜品選擇款式多，有傳統的中式糖水、有年輕人喜愛的雪糕窩夫或芭菲杯、亦有芝士蛋糕、台式仙草等多種類別，更加有最近熱門的開心果及榴槤口味甜品😍😍真係揀到好開心🤭最終小妹揀咗以下四款不同的甜品糖水🫶🏻1️⃣焦糖開心果巴斯克蛋糕配開心果雪糕蛋糕面配有焦糖脆脆，食落一啲都唔馬虎，蛋糕好香開心果味，小妹選擇的開心果雪糕味道鹹鹹甜甜非常好食，（因為配搭嘅雪糕共有九款可以揀🤤）有一刻覺得甜悅係被甜品店埋沒嘅蛋糕店2️⃣D24榴槤水晶珠珠冰榴槤果肉好食又香噴噴，喺呢個炎炎夏日可以食到一杯水晶冰真係
旺角甜品店數量真係令人有選擇困難症🤯，右邊聰嫂甜品、左邊佳佳甜品、行去煙廠街仲有三四間選擇、再行前啲窩打老道又有間Shari Shari氷屋，你哋話係咪太過份呀😂
不過小妹一家最喜歡食啲未食過😎於是決定行去波鞋街方向，原本諗住去HeSheEat食雪糕，但小妹爸話想食中式糖水，點知一轉個頭就見到呢間叫做《甜悅》的糖水店😍係可以一次過滿足多個願望的甜品店🫰🏻
《甜悅》店內打造文青無印風，令小妹一家感到十分舒適，餐牌內甜品選擇款式多，有傳統的中式糖水、有年輕人喜愛的雪糕窩夫或芭菲杯、亦有芝士蛋糕、台式仙草等多種類別，更加有最近熱門的開心果及榴槤口味甜品😍😍真係揀到好開心🤭最終小妹揀咗以下四款不同的甜品糖水🫶🏻
1️⃣焦糖開心果巴斯克蛋糕配開心果雪糕
蛋糕面配有焦糖脆脆，食落一啲都唔馬虎，蛋糕好香開心果味，小妹選擇的開心果雪糕味道鹹鹹甜甜非常好食，（因為配搭嘅雪糕共有九款可以揀🤤）有一刻覺得甜悅係被甜品店埋沒嘅蛋糕店
2️⃣D24榴槤水晶珠珠冰
榴槤果肉好食又香噴噴，喺呢個炎炎夏日可以食到一杯水晶冰真係超爽😍牛奶冰味道唔太甜，唔怕搶咗榴槤嘅香味，仲有水晶珠珠增加口感😋
3️⃣芒果雪糕窩夫配軟雪糕
係呀我同你呀呢期啲芒果真係甜蜜蜜，脆皮窩夫配上粒粒芒果肉，仲有反轉咗嘅軟雪糕，因為芒果嘅甜度令甜品加分😚😚
4️⃣熱鮮奶桃膠椰皇燉蛋白配蓮子
椰皇燉蛋白好滑、又有桃膠，係一款會越食越靚嘅養顏甜品😍
好難得有甜品店係做到每款甜品都咁好食，小妹一家食飽飽好滿足，埋完單臨走嘅時候見到有外賣雪糕糯米糍，即刻又嗌多杯拎番屋企食😆雪糕有四款口味可以選擇，包括豆腐、芝麻、開心果以及小妹所揀的D24榴槤雪糕🍦糯米糍皮煙煙韌韌、配搭甜甜的脆脆及香濃的榴槤雪糕，即使食飽咗都覺得佢好好食🤤！
最後仲見到原來八點前埋單，出示長者卡或樂遊卡仲有九折優惠🫰🏻等小妹下次帶埋老爺奶奶、小妹老公、細妹及妹夫一齊再嚟食甜品❤️❤️
焦糖開心果巴斯克蛋糕配開心果雪糕
$68
6 瀏覽
0 讚好
0 留言
D24榴槤水晶珠珠冰
$52
4 瀏覽
0 讚好
0 留言
熱鮮奶桃膠椰皇燉蛋白配蓮子
$69
4 瀏覽
0 讚好
0 留言
養顏甜品💕
8 瀏覽
0 讚好
0 留言
芒果雪糕窩夫配軟雪糕
$59
10 瀏覽
0 讚好
0 留言
D24榴槤雪糕糯米糍
$25
0 瀏覽
0 讚好
0 留言
張貼
