更多
2017-08-02
1138 瀏覽
喺香港鐵板燒既選擇一向唔多,以中價下價嘅水平但收費離地既比比皆是,所以一向對鐵板燒冇乜特別好感 ,只會去日本時先會食鐵板燒。不過朋友介紹呢一間鐵人旨花畀我,位置上算方便,係銅鑼灣C出口對住就係 ,所以就姑且一試餐廳分為兩部分, 一邊為師傅發板 (即係omakase) ,另一邊就係鐵板燒。今次我哋食嘅就係鱈場蟹和牛二人餐 $1888/2位。頭盤有沙律之外,仲有擺盤非常用心嘅海哲素翅。係切開一半嘅檸檬上面放入海哲素翅,食既時候,會食到檸檬既淡淡清味,口感輕怡,都幾開胃好啦!入正題啦!一開始就有西京銀鱈魚,師傅先用鏟將鱈魚壓平,將塊魚皮燒脆後,再加入自家製麵豉汁!以為咁就煮完,點知師父突然開火槍 ,沾上麵豉醬汁的銀鱈魚 ,馬上著起紅紅火光! 呢個時候男朋友同我即刻馬上拎相機出嚟,狂影相心諗真係煮完啦掛!點知師傅完成擺盤後之後,再撒上店舖主題的致瑰花瓣,香脆嫩滑嘅銀雪魚,配上淡淡花香,無論係嗅覺抑或係味覺都係一等一嘅享受下一道菜就係北海道鱈場蟹!師傅先將蟹置於鐵板上,然後加入少量清水後冚蓋 ,再將蟹肉焗到半熟後,再開蓋快炒兜亂 ,最後加入少量白酒 胡椒及海鹽調味,咁就完成咗呢道簡單又好味既菜啦
餐廳分為兩部分, 一邊為師傅發板 (即係omakase) ,另一邊就係鐵板燒。 今次我哋食嘅就係鱈場蟹和牛二人餐 $1888/2位。頭盤有沙律之外,仲有擺盤非常用心嘅海哲素翅。係切開一半嘅檸檬上面放入海哲素翅,食既時候,會食到檸檬既淡淡清味,口感輕怡,都幾開胃 好啦!入正題啦!
一開始就有西京銀鱈魚,師傅先用鏟將鱈魚壓平,將塊魚皮燒脆後,再加入自家製麵豉汁! 以為咁就煮完,點知師父突然開火槍 ,沾上麵豉醬汁的銀鱈魚 ,馬上著起紅紅火光! 呢個時候男朋友同我即刻馬上拎相機出嚟,狂影相 心諗真係煮完啦掛!點知師傅完成擺盤後之後,再撒上店舖主題的致瑰花瓣,香脆嫩滑嘅銀雪魚,配上淡淡花香,無論係嗅覺抑或係味覺都係一等一嘅享受 下一道菜就係北海道鱈場蟹!師傅先將蟹置於鐵板上,然後加入少量清水後冚蓋 ,再將蟹肉焗到半熟後,再開蓋快炒兜亂 ,最後加入少量白酒 胡椒及海鹽調味,咁就完成咗呢道簡單又好味既菜啦 而且師父仲細心到用鐵鏟將所有蟹殼、蟹腳一分為二, 抵讚! 食嘅時候蘸少量青檸汁為海鮮提味 ,令鮮味於味蕾上爆發; 比起平時常食嘅燒蟹腳,只係燒完後加少量用水稀釋既清酒輕輕調味,呢個帶有青檸汁嘅鱈場蟹,味道上更有層次 而下一道菜就係A5和牛啦呢度師傅特別說明、話所有嘅和牛都冇入過雪櫃!雖然我好希奇點樣可以喺日本運到香港都完全冇入過雪櫃,但係呢一種完全冇入雪櫃嘅食法喺台灣非常流行!亦即係大家有時聽到嘅Γ溫體牛」
師傅非常細心,先將有牛脂連著嘅外部切開 ,然後加入蒜片兜亂及快炒!再之後將A5和牛用大火煎,務求將肉汁封住 由於和牛脂肪比例較其他牛肉高,所以在一般燒嘅過程,已經能夠令到豐富嘅牛脂融化 然後師傅再將其他雜菜如蘑菇、蕃茄、青椒仔通通烤熟, 再將所有材料放係碟上,非常細心咁將佢地擺靚靚! 原來擺設之中亦有非常大嘅學問 !首先師傅用蘑菇砌起一個小洞,然後將薄荷葉置於其中; 再以磨菇比喻為泥土,以薄荷葉比喻為當中的小植物; 另外旁邊 的蒜片比喻為草地裏的落葉,而帶有焦香牛脂的和牛肉粒則為草地上的小碎石! 未食落口已經有非一般嘅視覺享受, 成個構圖、意境,與其品牌環環相扣 ,未食就已經攞滿分! 男朋友急不及待張和牛放入口中,連一向食慣好嘢嘅佢都大舉拇指 牛肉非常軟腍身, 甚至可以用棉花糖來形容牛肉質地嘅軟滑 ,食落近乎入口即溶,真係不愧為A5和牛。 比起之前嘅鱈魚和牛同埋鱈場蟹,鐵板炒飯相對嚟講唔太特別,自在填飽個肚。 奶白色嘅魚介湯配有少量魚豆腐青蔥等清新嘅材料, 為剛剛嘅和牛同炒飯等油性食物做一個平衡, 清一清味蕾。
一個好嘅晚餐,永遠要用一個好嘅甜品嚟做一個完美嘅收結 。餐廳提供咗兩個選擇一個係雜果櫻花啫喱,另一個係水蜜桃雪糕! 櫻花啫喱放喺約四至五款水果之上,輕輕壓碎後混埋一起吃,啖啖櫻花清新香氣融入水果的蜜甜中 ,唔錯! 另一個水蜜桃雪糕 誇張啲講,根本就係將一個日本嘅水蜜桃打成雪糕,水蜜桃味超濃郁,而且啖啖果肉,咁高質既雪糕好耐無食過啦!
餐後一個少少總結 : 食鐵板燒師傅嘅廚藝、技術固然重要,但係師傅同客人嘅溝通, 喺呢一場味覺嘅饗宴裏面都扮演著一個非常重要嘅角色。
今晚為我們「表演」嘅師父非常風趣鬼馬、令成餐晚飯都喺愉快既笑聲之中度過 而且食物嘅質素同埋烹調嘅手法 ,都令我哋充滿驚喜。 再加上餐廳非常懂得利用客人於嗅覺、味覺同埋視覺上面嘅享受 ,交織出一次又一次的驚喜 !希望在不久嘅將來可以再次來訪餐廳享用
張貼