牡蠣酒場 (已結業)

牡蠣其實等於生蠔，好味又有營養，唔夠重鎮安神，益陰潛陽，係一年四季都啱食嘅滋補妙品！所以我同我老公都好鍾意食㗎！吃牡蠣，我哋就鍾意吃刺身，牡蠣酒場嘅北海道牡蠣盛盒就滿足到我哋啦！即叫即開，選用北海道生蠔🦪，蠔身爽口清甜，配上八款不同醬汁，展現岀唔同嘅味道特色！食生蠔終於唔使次次都用生蠔張咁悶啦！😂拼盤款式包括海膽牛肉清湯啫喱、叼草檸檬啫喱、大葉啫喱、泰辣青檸、乾蔥酢、蕃茄清湯啫喱、柚子啫喱。其中海膽牛肉最好味，味道夠鹹香。除了刺身生蠔，吉列廣島蠔都係must 食item！一啖咬開鬆脆炸衣，蠔味噴發，好味程度都係唔講得笑㗎！另外都叫咗芝士薯餅、海苔塩拉麵同辛味噌燒飯團。好似丸子咁煙靭嘅薯餅同香軟芝士好夾，辣辣地又有鍋巴feel嘅飯團都好好食，拉麵加咗紫菜同埋蔥絲生洋蔥，就算冇加肉味道都唔會冷清！