影片
更多
2020-07-04
140 瀏覽
當你係食肉獸、而朋友係鍾意食海鮮。如果想滿足兩個願望，我地覺得有海鮮魚生既燒肉放題最岩！最近就同朋友去左日式燒肉專門店【響】，就算星期四去都超級多人。食物係用紙點，飲品、雪糕同甜品就要自己出去攞。一埋位，店員會先上一盤刺身、一人半隻龍蝦同一盤咩都有既肉。店員話第一盤上既刺身同之後放題點既係唔同既、龍蝦只有一次，而肉主打澳洲和牛，而且係俾你試左鍾意邊款先，之後再叫。刺身拼盤：帶子好香甜、海膽唔苦都新鮮、八爪魚重海水味、其他都唔錯。龍蝦：肉質彈牙鮮甜，膏同籽都算多，不錯！肉拼盤：個人比較推薦牛胸腹、牛西冷、牛肉眼同骨付鷄肉腸。牛胸腹、牛西冷同牛肉眼都係牛味偏濃，肥瘦適中。牛肉眼會肉質會更軟D。骨付鷄肉腸超級juicy，調味又岩岩好！串燒：非常推薦免治鷄肉串同雞軟骨串；免治鷄肉串有些微調味，而且帶少少軟骨，唔會得單一口感！雞軟骨串肥瘦軟硬適中，再自己調味真係非常好食。天婦羅：熟食就遜色少少，不過南瓜同蝦都唔錯。甜品：我地當日去就有4個牌子雪糕選擇，全部任食，我就試左Fruttato Gelato同Movenpick。 不過就有幾個缺點啦，個爐設計就一般，旁邊完全唔熱，但放中間又太大火；抽風麻
刺身拼盤：帶子好香甜、海膽唔苦都新鮮、八爪魚重海水味、其他都唔錯。
龍蝦：肉質彈牙鮮甜，膏同籽都算多，不錯！
肉拼盤：個人比較推薦牛胸腹、牛西冷、牛肉眼同骨付鷄肉腸。牛胸腹、牛西冷同牛肉眼都係牛味偏濃，肥瘦適中。牛肉眼會肉質會更軟D。骨付鷄肉腸超級juicy，調味又岩岩好！
串燒：非常推薦免治鷄肉串同雞軟骨串；免治鷄肉串有些微調味，而且帶少少軟骨，唔會得單一口感！雞軟骨串肥瘦軟硬適中，再自己調味真係非常好食。
天婦羅：熟食就遜色少少，不過南瓜同蝦都唔錯。
甜品：我地當日去就有4個牌子雪糕選擇，全部任食，我就試左Fruttato Gelato同Movenpick。
不過就有幾個缺點啦，個爐設計就一般，旁邊完全唔熱，但放中間又太大火；抽風麻麻，就算個抽風口放到好低都仲好多油煙；某D位置設計有少少唔係禁好，有需要可能要人讓比你出。
張貼
