影片
更多
2006-06-19
21 瀏覽
星期六午膳，想食韓菜，莊園去過，所以去未食過o既韓雅林。一坐落，老豆覺得比莊園好坐，因為無頂住膝頭，裝修又新。同意，呢度的確光猛闊落，裝飾同服飾都走傳統高麗格調，但個人覺得莊園都有佢自己o既韓式風格。雖然唔好咁早比較，但係咁就反映出原來老豆o係莊園頂住個膝頭食飯有幾唔舒服。四個人叫四個午餐：栗子炆牛肋骨煲、泡菜湯、薯仔豬肉煲（？）及鐵板燒，包四白飯兩清湯。落單之後八碟前菜先來，計有泡菜、薯仔、青瓜、螺肉、大豆芽菜及莧菜、腩肉及醬豆腐、牛展和一件四四方方估計有香料的薯泥。泡菜不酸不辣，不合口味，其他則普普通通，螺肉算比較新鮮爽口。炆牛肋骨煲：有腩肉件三大兩小，完全無骨；白蘿蔔及栗子各兩，紅蘿蔔及冬菇各一，份量ok。醬汁只可稱為汁而不能稱為醬，因為不濃不稠，連撈飯都無色，味道清而不甜。泡菜湯及薯仔豬肉煲都係辣辣地o既湯，味道唔突出無咩好講，但泡菜湯帶少少酸味所以略勝一籌。鐵板燒其實係將ｄ韓烤用o既雞、牛、豬肉各三件煮熟放在鐵板上端來，見到個樣諗起75蚊都幾肉痛，可能係咁所以用手按住鐵板幾秒都唔覺熱，之但係之前三煲又係摸落唔覺熱喎，唉。至於味道……no comment，大概自己燒會好ｄ，仲有
一坐落，老豆覺得比莊園好坐，因為無頂住膝頭，裝修又新。同意，呢度的確光猛闊落，裝飾同服飾都走傳統高麗格調，但個人覺得莊園都有佢自己o既韓式風格。雖然唔好咁早比較，但係咁就反映出原來老豆o係莊園頂住個膝頭食飯有幾唔舒服。
四個人叫四個午餐：栗子炆牛肋骨煲、泡菜湯、薯仔豬肉煲（？）及鐵板燒，包四白飯兩清湯。落單之後八碟前菜先來，計有泡菜、薯仔、青瓜、螺肉、大豆芽菜及莧菜、腩肉及醬豆腐、牛展和一件四四方方估計有香料的薯泥。泡菜不酸不辣，不合口味，其他則普普通通，螺肉算比較新鮮爽口。
炆牛肋骨煲：有腩肉件三大兩小，完全無骨；白蘿蔔及栗子各兩，紅蘿蔔及冬菇各一，份量ok。醬汁只可稱為汁而不能稱為醬，因為不濃不稠，連撈飯都無色，味道清而不甜。
泡菜湯及薯仔豬肉煲都係辣辣地o既湯，味道唔突出無咩好講，但泡菜湯帶少少酸味所以略勝一籌。鐵板燒其實係將ｄ韓烤用o既雞、牛、豬肉各三件煮熟放在鐵板上端來，見到個樣諗起75蚊都幾肉痛，可能係咁所以用手按住鐵板幾秒都唔覺熱，之但係之前三煲又係摸落唔覺熱喎，唉。至於味道……no comment，大概自己燒會好ｄ，仲有如果豬肉無被招呼得咁緊要就好咯。
餐後可選茶咖或雪糕（芝麻或綠茶）。再有幾片西瓜密瓜和一人一片好耐無食過o既綠箭香口膠。
埋單先知午餐款款都係$48(另加一)。心裡不期然諗：係咪將貨就價呢。聽到後面個熟客話點解落完單咁快個石頭飯就o黎？唔係佢講都唔知個侍應同佢撈緊個飯，因為無聲無氣（煙）……〔個侍應答：ｄ材料一早準備好晒……〕
咁平又唔會叫人唔好去o既，味道唔係好好但又唔係極差，不過莊園午市同晚市水準差唔多，我自己以後會去返莊園。睇返評語呢度又唔係咁噃，尤其個牛肋骨之前張相都好對辨，都唔係隔好耐啫，要嘆句不幸定係……
我來遲了！？
張貼