更多
2019-12-05
2306 瀏覽
上年夏天同朋友已經嚟outdark食過，最印象深刻係Oppa店員會俾聖誕帽我哋帶🤣，而食物都唔錯，好食又好睇。今次我再嚟，就真係12月份了，果然聖誕味不減，門口已經有大大棵聖誕樹同大大隻熊🐻，可以影相。我哋7點半鐘嚟到，即刻有得入座，到8點左右就開始比較多人，坐滿哂！餐廳環境真係好好氣氛，黑色裝修，搭配大量閃燈✨、聖誕裝飾同鏡，好正，而且用上高枱櫈，空間感較佳，櫈亦闊落到一邊夠坐2個人，情侶可以sweet啲哈哈。不過可能多人，所以餐廳就比較嘈。朋友未嚟食過，我望餐牌就同以前差唔多，見到都係有炸雞🍗同芝士拉絲王國系列🧀等等。我哋得2個人，所以唔能夠叫到太多嘢食，加上我知道呢到食物份量都大。海鮮原祖炒年糕($298)，呢樣我第一次食，嚟到見到個鍋超大個，下底就有個gas爐熱住，Oppa店員見到開始唔夠熱，就會過嚟幫手著返，幾細心☺️。成個鍋最奪目一定係隻炸魷魚🦑，好大隻，成朵花咁，雖然係炸，但都唔太熱氣，幾好食；海鮮另外就有蜆仔同蝦仔🍤。食咗陣先記得下低仲有好多料，包括年糕鍋嘅主角年糕、魚糕同蔬菜等。個醬雖然好紅下，但甜味多過辣味，不過後期愈食愈辣，揀原味但其實都有隻辣椒🌶️，哈哈。而鍋邊亦係
上年夏天同朋友已經嚟outdark食過，最印象深刻係Oppa店員會俾聖誕帽我哋帶🤣，而食物都唔錯，好食又好睇。今次我再嚟，就真係12月份了，果然聖誕味不減，門口已經有大大棵聖誕樹同大大隻熊🐻，可以影相。
我哋7點半鐘嚟到，即刻有得入座，到8點左右就開始比較多人，坐滿哂！餐廳環境真係好好氣氛，黑色裝修，搭配大量閃燈✨、聖誕裝飾同鏡，好正，而且用上高枱櫈，空間感較佳，櫈亦闊落到一邊夠坐2個人，情侶可以sweet啲哈哈。不過可能多人，所以餐廳就比較嘈。
朋友未嚟食過，我望餐牌就同以前差唔多，見到都係有炸雞🍗同芝士拉絲王國系列🧀等等。我哋得2個人，所以唔能夠叫到太多嘢食，加上我知道呢到食物份量都大。
25 瀏覽
0 讚好
0 留言
海鮮原祖炒年糕($298)，呢樣我第一次食，嚟到見到個鍋超大個，下底就有個gas爐熱住，Oppa店員見到開始唔夠熱，就會過嚟幫手著返，幾細心☺️。成個鍋最奪目一定係隻炸魷魚🦑，好大隻，成朵花咁，雖然係炸，但都唔太熱氣，幾好食；海鮮另外就有蜆仔同蝦仔🍤。食咗陣先記得下低仲有好多料，包括年糕鍋嘅主角年糕、魚糕同蔬菜等。個醬雖然好紅下，但甜味多過辣味，不過後期愈食愈辣，揀原味但其實都有隻辣椒🌶️，哈哈。
海鮮原祖炒年糕
$298
41 瀏覽
0 讚好
0 留言
而鍋邊亦係另一重點，分別有粟米水牛車打芝士、香甜菠蘿粒、香炒泡菜同紫菜飯。雖然無得refill，但每樣有啲好夠食。朋友唔鍾意芝士🧀，但叫呢個鍋都算可以滿足我呢個拉絲怪嘅少少願望。至於紫菜飯，就有啲失色，唔夠多紫菜，味較淡，可能我撈亂咗係另一兜可以自己挫飯團🍙嗰種，但都ok。
串串魚糕湯
$98
32 瀏覽
0 讚好
0 留言
另外我點名叫咗串串魚糕湯(細)($98)，呢樣係賣飛佛🇰🇷韓國菜式，雖然魚糕即係魚腐同腐皮啲friend，但我好鍾意食，加上有個湯可以暖下胃，非常唔錯，好彩呢到有細size揀先食到。魚糕用竹籤串住，有6-7串，加上2嚿蘿蔔，個湯清清哋，真係令我諗起喺韓國廣藏市場掃街嘅境況😋。
飲品方面，朋友要咗🍺Asahi(Half)($48)，我就要咗無酒精嘅🍋Blue Lemon($38)。價錢都幾合理，唔算吊高嚟賣。
總括嚟講，Outdark再一次無令我失望，環境仍然舒服又有特色，同時店員都仲有真Oppa👦🏻。今次試咗未食過嘅年糕鍋，都幾好食，不過份量真係偏大，多啲人嚟先食到多幾款嘢囉，我亦都掛住個拉絲豬肋骨😝。價錢方面呢，當然唔能夠講好平、超抵食，但份量都大，所以ok啦，都係嗰句，多啲人嚟食會好啲👍。
張貼
