北京樓 (太古廣場)

情人節晚餐，識食一定食中餐。

今年再黎金鐘北京樓，這一天係星期日，所以茶樓比上年黎較人多熱鬧。

北京樓之中我比較鐘情金鐘呢間既裝修及環境，帶少少西式感覺較高級。

就係鐘意中菜地道得黎帶點西式。

先黎個開胃菜，鴨胸肉茄子，醬汁酸酸甜甜好醒胃，茄子配鴨胸唔錯。

口水雞並不太出色，醬油唔夠麻辣惹味。雞肉倒是軟滑的。

1

多肉夠香

炒麵賣相普通，但食落先知好味！味道似豉油皇粗炒，但炒得出色，油份剛好，味道不會太淡，讚。

皮薄餡靚，不過個人對鼎泰豐既小籠包比較情有獨鍾。

同口水雞一樣不夠麻香。除此之外，配菜多，牛肉嫩滑，所以不過不失。

上年食左拔絲香蕉，所以今次試蘋果。拔絲呢個甜品實在太好味，用忌廉氣水過冷河，拔絲更香甜脆口。不過香蕉始終比蘋果夾。

好飽, 二人食了八百元，雖然唔算平，但以情人節黎講，性價比值高。環境一流，食物質素偏高，氣氛當然冇西餐廳浪漫，但呢一餐食得舒服值得。