明串燒 (已結業)

其實一直十分之喜歡吃串燒，但自從兩年前柚子爐端燒的經歷之後，基本上已放棄了，但最近在電視看到有節目介紹這店又再次勾起我條串燒〝斤〞，一坐下一口氣order了十數款串燒及天婦羅炸蝦，在落單前已提醒靚姊姊叫師傅幫我們的order燒耐些少，第一款來的是牛舌，味道一流但溫度就差d，中間部份不夠熱及重有血水，賣相有些少似用水烚熟，第二樣是帶子，樣子更似未燒夠，白雪雪咁，切開中間果然重係凍的，靚姊取回給師傅及再提醒師傅我們的order燒耐dd，但之後的全部都略不夠熟及熱，可見師傅真是有一份堅持，但最差的在後頭，就是天婦羅炸蝦，他的價錢是見城級，但味道就.... ，炸漿開不好，失敗，一pat pat成碟野索晒油，失敗，油溫唔夠炸野，失敗，真係想叫個炸野人出黎問佢識唔識炸野，最後就係想講吓d店員，除左靚女姊姊外，全部人都la口la面唔知想點，到埋單一千二百幾，食串燒食唔飽，但可以埋單成千二蚊，可想而知有幾貴，千二蚊在見城食開心100倍。