The Night Market (士丹利街) (已結業)

友人摯愛嘅餐廳，好一段時間無嚟，今日再嚟到，依然無令人失望。喺繁忙嘅lunch hour，因為有兩層嘅關係，通常都會好快有位。而且因為人齊先有得入座，加快咗成個流程。不過今次啲溝通有少少混亂，話說友人樓下等緊𨋢，侍應叫我哋上一層，上到去，有個侍應就示意我哋入去，點知另一個又叫返我哋出去，然後友人到咗，又換嚟換去啲位，頭都暈埋。點咗set lunch，對於唔太好飯嘅我嚟講，呢個肉燥飯真係好易入口，夾埋半隻蛋真係正，啲蝦都大隻同爽口。友人叫呢個比目魚，稍稍有少少腥，不過啲魚肉都好嫩滑。