影片
更多
2018-11-19
92 瀏覽
難得約到個好耐冇見既朋友出來聚聚，就由她來發辦決定開飯地點，最後選擇左黎銅鑼灣澳門逸園樓上的岩浪食OMAKASE。縱然係星期一，食店依然座無虛席，較可惜既係冇緣坐壽司吧檯，幸好都有靠邊位預留給我們方便邊吃邊傾計。侍應安頓好我們入座後，先奉上溫熱好既暖手巾然後上茶，接著簡介一下各環節便吩咐師父備菜，過程真係一絲不苟。正當我地觀察下鄰座食物之際，前菜經已就緒並送達我們檯上。眼前是一隻耀目既金漆碟子，盛載著一共3款小吃，分別為炸蟹(左) 、鴨胸(中) 及鮫鰈魚子(右)三款前菜井然有序咁分佈係長方型碟框內既不同位置，睇落去再加點幻想力都幾似一幅立體畫。目光瞬間就會被眼前精緻既炸蟹吸引開去，先端起金黃的外殼仔細欣賞一下輪廓，再放入口中輕嚼從而感受果種香脆可口既程度，清脆俐落既破殼聲更係令人垂涎三尺。正中央的鴨胸質感較幼滑不膩，至於右方的魚子據侍應介紹為源自一款右口魚種名鮫鰈，味道以清甜為主調。冷物選用上色澤艷麗既毛花果、蕃茄及冰菜，配合酸汁一齊食開胃至極吃畢前菜過後，緊接而來係刺身部分，深海池魚，帶子均以厚切形態保持其層次觀感。晶瑩通透既魚肉線條脈絡分明，從內到外透徹出嬌嫩既粉紅色澤，夾帶淡香魚
正當我地觀察下鄰座食物之際，前菜經已就緒並送達我們檯上。眼前是一隻耀目既金漆碟子，盛載著一共3款小吃，分別為炸蟹(左) 、鴨胸(中) 及鮫鰈魚子(右)
三款前菜井然有序咁分佈係長方型碟框內既不同位置，睇落去再加點幻想力都幾似一幅立體畫。目光瞬間就會被眼前精緻既炸蟹吸引開去，先端起金黃的外殼仔細欣賞一下輪廓，再放入口中輕嚼從而感受果種香脆可口既程度，清脆俐落既破殼聲更係令人垂涎三尺。正中央的鴨胸質感較幼滑不膩，至於右方的魚子據侍應介紹為源自一款右口魚種名鮫鰈，味道以清甜為主調。
冷物選用上色澤艷麗既毛花果、蕃茄及冰菜，配合酸汁一齊食開胃至極
吃畢前菜過後，緊接而來係刺身部分，深海池魚，帶子均以厚切形態保持其層次觀感。晶瑩通透既魚肉線條脈絡分明，從內到外透徹出嬌嫩既粉紅色澤，夾帶淡香魚味既特性之下，以最簡單既方式去細味果份清甜。
前段以清淡食材為主軸，這一道醬油漬拖羅可謂來個明顯分冶。拖羅經火輕輕炙過後表面略微帶點焦香，先用紫菜包裹好直接放入口中品嚐，那股暖入心既魚脂油香令人迷醉。味道方面，由於先經過醃製，所以除魚肉本身既鮮味得以完整保留之外，還帶有醬油的鹹香，吃時不需蘸其他醬料。
從醃製過程既步驟以至醬油調配各個環節都非常重要兼講究，師父都嚴謹地注入大量心血去調研絕不能馬虎，所以話每次食OMAKASE真係落足眼、耳、口、鼻去細味體會各家既獨門板斧技倆，認真係深度享受及學問。
旁邊附帶的醬汁驟眼看似熔化後的蟹膏色澤，把鮑魚肉輕輕沾點混和入口，同樣帶有濃厚既蟹膏味道，鮑魚質感腍軟但具彈性，裙邊略帶少量清淡海水味餘韻
椀物係份外清甜既蜆湯，仲有D水雲在其中
另一道據聞係店家招牌主打菜式正正係期待已久既天婦羅，之前人地放閃就睇得多，特別係海老炸得有型有色，今晚到自己有機會親身一試，一於係相機行先。今晚主角為目光魚，海老及鮑魚三品。脆漿既炸衣厚薄位拿捏得宜，沒有半分既油膩感，儘管海老披上脆香既黃金甲，咬下一刻依然係爽彈無比及蝦氣十足! 肉質軟身既目光魚入口真係極似九肚魚果種感覺，尾部超脆口冇得頂。至於鮑魚作天婦羅都只能偶然出現於高級既日式料理之中。
來到壽司環節，師父以兩貫赤身魚配搭出場，鰹魚肌呈赤色魚味極其濃郁。至於時令既秋刀魚身亮澤度高，肉質很有彈性，稍微咀嚼就溶化了，特別一提既係佢地會係壽司加入一些汁醬點綴，打開味覺新感受
海膽拌飯同樣做工出色，米飯與海膽汁結合成完美比例，頂部再添上一層厚厚既滑溜膽肉，源源不絕既膽汁飯顛覆著味覺神經，令人回味無窮
飽頓左腹子又係時候先品嚐清新既有機綠茶來迎接甜品，茶道據知係日本另一種重要既飲食文化，單計桌上既茶具都絕不簡單，真係媲美一件件藝術品。鮮綠既茶色自鐵壺口緩緩流出，不忙不迫地讓你慢慢透徹茶既精粹
自家製奶凍及靜岡蜜瓜正好為本晚既OMAKASE劃上完美句號
張貼
