等了10分鐘左右, 店員就帶我們入內, 回一回想我好似幫襯這店的前身...哈~以前好光猛, 而家暗暗的呢! 看來是想營造浪漫的氣氛!
但好可惜...檯與檯之間超近...而且都幾嘈, 比得上茶餐廳...
點餐後先上餐包...好乾, 凍的...好在香草忌廉牛油打得好滑身, 淡淡的香草味...不錯!
兩姊妹一人叫一個course, 天堂地獄之分...先上天堂! 阿妹點了煙肉,洋蔥,白菌蛋黃忌廉汁貝殼粉 HK$90, 其實即是carbonara但配貝殼粉, 上檯已經好香, 個汁不稀不杰, 質地剛剛好...雖然覺得配意粉應該更好味, 但配貝殼粉都幾特別~易於沾上蛋黃忌廉汁...味道之好, 好想食完一啖又一啖!
然後...落地獄...我點了我覺得幾吸引而應該不會好難食的...黑松露蟹肉帶子意大利飯 HK$128...點之就係難食...最好味只有放面煎香了的帶子...找不到蟹肉, 頂盡只是蟹肉'絲'...而且飯與飯之間有好多好多菜的莖部...又鞋又有陣不討好的菜青味...因為太多而影響了成碟飯的味道...仲重味過所謂的黑松露...總之就不敢恭維...
最後埋單的確有15%OFF...睇在carbonara貝殼粉的份上...還OK...要不是相信我會俾喊樣T_T
