容記小菜王 (已易手)

呢間係我地深水埗既飯堂。為了能食到佢既招牌燒肉- 真架，每日限量供應，賣完即止，試過有次八點幾到就已經賣晒。我同老公六點半左右到，唔駛等位有張最後二人枱。梗係要點佢既招牌燒肉，我由數年前第一次食過開始，就發覺其他地方燒肉同佢無得比，呢度真係好好食，我老公都係咁話。跟住叫個金銀蛋波菜同埋老少平安。講下的餸先：招牌燒肉－　肉質美味可口，燒肉皮非常脆口，咬落卜卜聲，唔太咸所以易入口金銀蛋菠菜－　的菜好新鮮，果晚只係好想食菠菜，都ＯＫ既老少平安－　呢個菜唔係周圍都食到，皆因係平既家鄉餸黎。屋企人會將豆付、魚肉、蝦米撈埋一齊蒸。呢度既非常大碟，四個人份量黎，所以我地食唔晒，豆付好滑，係我老公嫌唔夠咸，但對於我黎講啱啱好。講真，呢個餸幾平架(HKD48)，一班人都好抵食。果晚七點零已經坐滿客，黎等位既要人齊先俾位，有得ＢＯＯＫ位既，好多人都預先訂位。。尤其一班人果的。當然，有時間一定會返黎呢度幫襯。