相馬日式火鍋 (已結業)

中西區不嬲都好多嘢食，今日就揀咗嚟食相馬日式火鍋放題，哩度地方闊落，燈光光猛，仲有卡位坐添🥰我哋一早喺收銀處揀好咗湯底，我哋揀咗泡菜湯底，坐低大概5分鐘就將湯底送到啦❤️ 侍應姐姐叫我哋等湯滾左之後，先試咗湯底先，湯底夠濃郁味道已有保證，額外的醬汁可以不用沾，鍋內仲有好多泡菜，飲得出絕對係真材實料👍🏻美國牛肩胛都冇令我失望🥰牛味好香👍🏻 簡直食唔停口❤️海鮮類都幾齊！有齊蜆、虎蝦同廣島蠔🤟🏻蜆肉新鮮,即煮即開入口好鮮甜！虎蝦亦同樣新鮮亦充滿蝦香🥰飲品區方面選擇極多，罐裝汽水同茶飲應有盡有😚仲有蔬菜🥗區，丸類區真係勁多種類勁多野食揀😚 岩哂我哩d乜都想試嘅人 ❤️