船渦

營業中

休息中

位於銅鑼灣鬧市中，主打一人蒸氣火鍋嘅餐廳，餐廳主要都係以套餐為主。九品芝麻 $218 & 內務總管 $288我地叫左兩個唔同嘅套餐，三點刺身、炸物、海鮮、肉類、三寶丸、蔬菜拼盤同埋甜品。兩個套餐嘅分別主要都係海鮮款式同數量唔同，而每一個套餐都可以揀粥底定係加錢轉麵底，我地一個食粥底一個食出前一丁麵底。首先刺身同一般刺身差唔多，唔算好大驚喜。炸物有炸雞粒同埋章魚燒，粥底火鍋食咁日式嘅食物都幾有趣。蒸氣火鍋嘅重點海鮮，海鮮好新鮮！而且蟹係啖啖肉，元貝同貴妃蚌好大隻，我一個人差啲食唔曬海鮮，仲分左啲比男朋友。肉類揀左肥牛片同雞肉，蒸出黎原汁原味，好清新。丸類就冇咩特別，不過牛丸好重牛味，幾好食。整體黎講，CP值都幾高，而且地理位置都幾方便，一人坐都私隱幾高。