HeSheEat (THE FOREST)

營業中

休息中

之前就聽同事講，附近有間cafe嘅食物唔錯，就打算放工去試嚇。我一入去，就見到好幾座嘅顧客都喺食緊牛肉丼，所以好奇嘅我都叫咗一份。牛肉真係燒得唔錯，有著濃郁嘅牛肉風味，炒飯都好惹味，一齊食真係絕配！鍾意牛肉丼嘅朋友可以試嚇。我仲叫咗煎魚柳配薯仔。魚皮煎到香脆，同鮮甜滑嫩嘅魚肉有明顯嘅對比，所以口感好有層次。就連配料薯仔都加咗蜜糖同芥末做調味，好有自己嘅特色，同魚肉一齊食，完美無違和感。仲有食材豐富嘅墨西哥餅，搭配咗松露蟹肉、牛油果同蕃茄醬。整體嘅配搭啱啱好，唔會太heavy，食落去好清新，尤其係蟹肉，鮮美無比，令人食到停唔到。呢度嘅食物唔單止滿足咗我嘅胃，仲俾咗我一個幸福嘅時光，讚！