更多
2021-02-11
1450 瀏覽
幫自己慶生就當然要食餐好d，咁就book咗號稱九龍最靚嘅法國餐廳Gaddi’s，就係因為太靚，所以佢都要我dress up🥺有dress code。揀佢嘅原因，除咗因為係全九龍最靚之外，亦都為咗佢嘅特別之處，居然一間咁高級嘅法國餐廳有中文menu🤭。一入到去就俾個中西合璧嘅裝修所吸引，中式圖案嘅地氈再加水晶燈壓頂，但完全唔係中式酒樓果個感覺！因為疫情同冇晚市堂食嘅關係，佢只做set menu，職員會同你go through成個menu（其實得2頁！）同會講有咩推介。咁我就叫做個3個course嘅lunch set。除咗包之外（個煙肉卷真係好鬼香🥰）嚟頭盤之前會有個餐前小食，叫唔知咩洋蔥mousse，食落去個味就好似洋蔥湯咁，但佢有幾個texture嘅層次，入面仲有d脆脆，細細杯2啖就食完，好想再添食！頭盤我叫咗個黃猄肉酥皮批，講真我連隻動物咩樣都唔知，就試下！個批皮厚薄啱啱好，唔會一口粉同喪油！個肉好滑，至於黃猄肉係咩味呢。。佢唔係平常食嘅肉嘅味，有少少蘇味嘅，但我真係諗唔到用咩形容佢，總之就係野味啦！主菜我叫咗法國齒雪魚，個魚煮得啱啱好熟，好滑但有d彈性，似比目但唔多魚油嘅！本身個魚
揀佢嘅原因，除咗因為係全九龍最靚之外，亦都為咗佢嘅特別之處，居然一間咁高級嘅法國餐廳有中文menu🤭。
一入到去就俾個中西合璧嘅裝修所吸引，中式圖案嘅地氈再加水晶燈壓頂，但完全唔係中式酒樓果個感覺！
因為疫情同冇晚市堂食嘅關係，佢只做set menu，職員會同你go through成個menu（其實得2頁！）同會講有咩推介。咁我就叫做個3個course嘅lunch set。
除咗包之外（個煙肉卷真係好鬼香🥰）嚟頭盤之前會有個餐前小食，叫唔知咩洋蔥mousse，食落去個味就好似洋蔥湯咁，但佢有幾個texture嘅層次，入面仲有d脆脆，細細杯2啖就食完，好想再添食！
頭盤我叫咗個黃猄肉酥皮批，講真我連隻動物咩樣都唔知，就試下！個批皮厚薄啱啱好，唔會一口粉同喪油！個肉好滑，至於黃猄肉係咩味呢。。佢唔係平常食嘅肉嘅味，有少少蘇味嘅，但我真係諗唔到用咩形容佢，總之就係野味啦！
主菜我叫咗法國齒雪魚，個魚煮得啱啱好熟，好滑但有d彈性，似比目但唔多魚油嘅！本身個魚係偏向清淡，但加埋個鮮味嘅北海道海膽一齊食，個味好海鮮呀～
甜品要咗個朱古力咖啡慕絲，食落去個感覺就好似一個朱古力味嘅Tiramisu咁，重朱古力味但有少少咖啡味！
最後當然叫咗我係半島最鍾意飲嘅Peach Ginger Oolong Tea作終結啦！食埋個Petit Four（都唔止4舊）咁就very good！😋佢個朱古力真心滑。
職員真係好細心，每道菜上嘅時候都會同你講解係咩嚟，入面有咩材料等等。之不過法國菜果然係要食好耐，我咁樣都食咗2個幾鐘。。🤪
32 瀏覽
0 讚好
0 留言
33 瀏覽
0 讚好
0 留言
45 瀏覽
0 讚好
0 留言
34 瀏覽
0 讚好
0 留言
30 瀏覽
0 讚好
0 留言
36 瀏覽
0 讚好
0 留言
張貼
