季季紅風味酒家

咁啱今日係大角咀奧海城附近見完客，所以決定食埋先返公司；由於已經到咗下午茶時段，
見隔離有間季季紅，就行咗入去，叫咗下午茶餐，有燒鵝米線再加木耳小食，
加$3仲可以將罐可樂轉做豬肺靚湯添！通常出面食燒味好少附上一碗咁花心機既靚湯，
至多都係啲雞骨燒骨既味精湯，因為通常一碗豬肺處理唔容易，
難得係出面食都可以飲到咁滋潤既湯實在難能可貴，讚！菜乾味微香，湯味幾濃郁；
飲落唔算好咸，再講下燒鵝味道，外皮好薄都好香口，肉質好鮮嫩食落感覺唔會好油膩，
湯米線份量亦足夠，啱晒唔係好大食既我。

下次有機會再嚟試下其他優惠，睇個Menu唔只下午茶，仲有其他優惠，好似都幾吸引。