東京一品拉麵 (已結業)

星期六中午一個人喺元朗覓食，記得朗屏西鐵站附近新開咗一間拉麵店，於是試咗個午市套餐。套餐內容係一碗拉麵加一罐汽水，坐喺吧台嘅我揀咗汁燒雞翼拉麵，而湯底就要咗蝦湯(加5蚊)。拉麵嘅份量唔算好多，溏心蛋稍為凍咗少少，不過蝦湯飲得出係真材實料熬製而成，值得一讚。即製嘅汁燒雞翼有三隻，而且size唔細，味道係中上嘅水準。由於拉麵店仍然係同區較新嘅餐廳，所以客人相對唔算太多，環境尚算可以，而服務員嘅態度都幾好嘅，希望大家會多多支持一下新開張嘅小店啦！