狂野麻神麻辣火鍋 (已結業)

今日喺尖沙咀脫完毛，好肚餓搵食lunch。見到有間火鍋米線好似幾正咁，價錢lunch set都幾抵，肚餓到忍唔住走左入去食。上到去發覺環境都幾靚，成塊玻璃對住尖沙咀條街。我叫咗個藥膳醉雞鍋米線，餐飲叫咗個紅棗桂圓茶。好似一人邊lo咁，佢用個Gas爐煮熱啲醉雞米線，然後滾啦就夾落自己個碗度食。所以啲嘢食保持到溫度，夠熱真係加分。佢除咗個藥膳湯底幾濃之外，佢仲加咗鮮淮山同埋雲耳，真係夠晒養生。佢啲雞份量真係幾多，加上個雞幾滑，撈埋啲爽嘅米線食真係幾正。好少出面食到淮山，佢個淮山幾脆口，又健康，食材方面配搭係幾好。個餐飲方面，佢用個玻璃壺泡住啲茶，如果想飲嘅時候先倒落個杯度，所以好keep到 Warm。