本延鍋物

營業中

休息中

平日嘅午市黎到食壽喜燒 。午市有套餐選擇，一人一鍋，就算一個人都可以食到壽喜燒。今次就試左個和牛壽喜燒套餐。當日嘅前菜係燒和牛豆腐。燒過嘅和牛特別香，加埋充滿豆香又嫩滑嘅豆腐，簡單但就好好食。套餐有幾款嘅湯底可以選擇，今次簡左關東風壽喜燒湯。肉就分別試左日本黑毛和牛A5嚴選和牛同A4赤身。A4牛肉質鮮紅，唔會太油膩，加埋雞蛋一齊食特別嫩滑又鮮甜。A5嘅色澤同花紋都好靚，對比A4更重牛香，入口更加嫩滑。兩款和牛嘅質素都唔錯，而且份量好足夠。野菜拼盤都有多款蔬菜，望落新鮮，食落鮮甜。簡單一碗白飯有好嘅食材配搭，就係完美嘅一餐。