影片
更多
2021-11-04
503 瀏覽
阿叔上次已經幫襯過呢間日式料理店嘅尖沙咀新店，由於食過番尋味，但新店又長期滿座，所以今次同朋友決定改去上環原店繼續扮去咗日本旅行系列！ 上次食過晏，今次就嚟食夜晚飯，$1680嘅廚師發辦包括以下刺身、和食同壽司共16道菜，咪睇件件細細件，但食完成個餐真心超飽、超滿足！ 前菜系列：鱈魚乾+墨魚+蘿蔔漬卷刺身系列：深海池魚配石垣鯛、北海道帆立貝、北寄貝、鮫碟魚、梳子魚、秋刀魚、中拖羅、大拖羅和食系列：兵庫縣處女生蠔、清酒煮內紫貝壽司系列：白蝦、金目鯛、北海道嚴水海膽、太刀魚、香雙蟹 同新店一樣，店內食材不時不食，所以每款刺身都非常新鮮鮮甜，當中阿叔首推以下幾款： 清酒煮內紫貝，感覺佢有啲似象拔蚌，口感同樣爽口彈牙。料理店用上清酒煮，令到內紫貝嘅鮮甜味更突出，更好味。順帶一提，唔好唔記得飲埋成個湯汁，超清甜，如果有一碗就正囉！ 兵庫縣處女生蠔，聽師傅講，所謂「處女蠔」即係仲未放春嘅生蠔，所以質感會更飽滿，味道更濃更多汁。今次阿叔食到呢隻嚟自兵庫縣嘅生蠔，可以話係近期嘅大熱，見到好多網上店都有代購。雖然佢嘅尺寸無以往嚟自廣島或者北海道嘅咁大隻，不過又的確肉質爽口結實，而且蠔味更濃，唔怪之得咁受
上次食過晏，今次就嚟食夜晚飯，$1680嘅廚師發辦包括以下刺身、和食同壽司共16道菜，咪睇件件細細件，但食完成個餐真心超飽、超滿足！
前菜系列：鱈魚乾+墨魚+蘿蔔漬卷
刺身系列：深海池魚配石垣鯛、北海道帆立貝、北寄貝、鮫碟魚、梳子魚、秋刀魚、中拖羅、大拖羅
和食系列：兵庫縣處女生蠔、清酒煮內紫貝
壽司系列：白蝦、金目鯛、北海道嚴水海膽、太刀魚、香雙蟹
同新店一樣，店內食材不時不食，所以每款刺身都非常新鮮鮮甜，當中阿叔首推以下幾款：
清酒煮內紫貝，感覺佢有啲似象拔蚌，口感同樣爽口彈牙。料理店用上清酒煮，令到內紫貝嘅鮮甜味更突出，更好味。順帶一提，唔好唔記得飲埋成個湯汁，超清甜，如果有一碗就正囉！
兵庫縣處女生蠔，聽師傅講，所謂「處女蠔」即係仲未放春嘅生蠔，所以質感會更飽滿，味道更濃更多汁。今次阿叔食到呢隻嚟自兵庫縣嘅生蠔，可以話係近期嘅大熱，見到好多網上店都有代購。雖然佢嘅尺寸無以往嚟自廣島或者北海道嘅咁大隻，不過又的確肉質爽口結實，而且蠔味更濃，唔怪之得咁受人歡迎啦！
香箱蟹，撞啱初秋季節，嚟到當然要食蟹啦！網上搵資料先知原來香箱蟹其實係雌性嘅松葉蟹，一般食法係將蟹膏、蟹籽同蟹肉放喺蟹蓋上撈均嚟食，因為好似一個精緻嘅盒咁，所以就有「香箱蟹」嘅美譽喇！阿叔一向都好鍾意食蟹，單睇香箱蟹嘅賣相就已經好吸引我，更何況一次過將香濃嘅蟹膏、口感細密嘅蟹子同埋味道鮮甜嘅蟹肉擺入口中，嗰種興奮心情同滿足感簡直爽快！香箱蟹提供季節有限，如果你都想感受呢種快感，就要把握呢一、兩個月喇！
張貼
