影片
更多
2023-03-27
53 瀏覽
佐敦平時都有唔少地道餐廳，今次揀咗一間馳名粥店，原來都唔只粥同腸粉，仲有啲茶記小炒，順便搭下其他小食都唔錯㗎～😋💡 貴妃雞粥 $59雞粥好唔好食，第一時間要睇粥面有冇一層雞油，太多會太油膩，但碗邊有少少雞油會令碗粥又香又滑。呢度嘅雞粥有一層雞油，粥底又夠綿，貴妃雞醃得好入味，貴妃雞嘅醃製過程都幾花時間同講功夫，仲有咗中藥材，令隻雞唔只得鹹味。點少得薑絲同蔥花，再令味道提鮮。💡 馳名海鮮粥 $81海鮮都包幾多款，唔只有蟹🦀、蝦、帶子，仲有魚柳(可惜沉底影唔晒)。教大家個小秘訣，先刮出蟹膏，蟹膏混入粥到就係天然嘅鹹香。咁多海鮮熬嘅粥底同雞粥嘅好味又唔同，鮮味好出，吸收晒海鮮嘅精華。💡 酥炸魷魚鬚 $61一上就聞到好香，炸皮唔會太厚，又痴到魷魚，咬落輕鬆切斷，唔會橡皮。傳統沾喼汁，減去種油膩感，魷魚鬚算係高分之作，因為食過太多又油又韌。💡 海蜇手撕雞 $58好開胃嘅前菜，雞絲夠嫩滑同鹹香，海蜇爽口彈牙，配上酸酸甜甜嘅調味，加埋榨菜提昇口感層次，成碟菜食到停唔到口。⭐️💡 七喜荔枝冰 $25呢度嘅飲品選擇比想像中多，開頭以為淨係得熱茶飲，冇諗過連特飲都有。所以叫返杯七喜荔枝冰試試，味道好清新，七
佐敦平時都有唔少地道餐廳，今次揀咗一間馳名粥店，原來都唔只粥同腸粉，仲有啲茶記小炒，順便搭下其他小食都唔錯㗎～😋
💡 貴妃雞粥 $59
雞粥好唔好食，第一時間要睇粥面有冇一層雞油，太多會太油膩，但碗邊有少少雞油會令碗粥又香又滑。呢度嘅雞粥有一層雞油，粥底又夠綿，貴妃雞醃得好入味，貴妃雞嘅醃製過程都幾花時間同講功夫，仲有咗中藥材，令隻雞唔只得鹹味。點少得薑絲同蔥花，再令味道提鮮。
💡 馳名海鮮粥 $81
海鮮都包幾多款，唔只有蟹🦀、蝦、帶子，仲有魚柳(可惜沉底影唔晒)。教大家個小秘訣，先刮出蟹膏，蟹膏混入粥到就係天然嘅鹹香。咁多海鮮熬嘅粥底同雞粥嘅好味又唔同，鮮味好出，吸收晒海鮮嘅精華。
💡 酥炸魷魚鬚 $61
一上就聞到好香，炸皮唔會太厚，又痴到魷魚，咬落輕鬆切斷，唔會橡皮。傳統沾喼汁，減去種油膩感，魷魚鬚算係高分之作，因為食過太多又油又韌。
💡 海蜇手撕雞 $58
好開胃嘅前菜，雞絲夠嫩滑同鹹香，海蜇爽口彈牙，配上酸酸甜甜嘅調味，加埋榨菜提昇口感層次，成碟菜食到停唔到口。⭐️
💡 七喜荔枝冰 $25
呢度嘅飲品選擇比想像中多，開頭以為淨係得熱茶飲，冇諗過連特飲都有。所以叫返杯七喜荔枝冰試試，味道好清新，七喜同荔枝味都幾夾，仲要真係有3舊荔枝肉❗️另外仲叫咗杯凍檸樂～
張貼
