✻仲夏淸甜菠蘿忌廉三文治 （$68）
三文治夾住超厚既菠蘿 菠蘿香甜又多汁
面包好鬆軟 忌廉好滑 重點係食落唔肥膩😛
唔怪得知呢度嘅水果忌廉三文治咁受歡迎～
✻夏至菠蘿忌廉窩夫（$88）
我同朋友都一致覺得窩夫係最好食 推介💛
首先佢賣相好吸引 顏色鮮艷好多香甜嘅菠蘿🍍
窩夫真係外脆內軟好香蛋味🧇🤤
配埋菠蘿同菠蘿果jam一齊食好好味😋
✻燒醬油黑毛豬白切肉飯（$105）
黑毛豬肉片肥瘦均勻🐷
帶有微微焦香咁而且好入味
配埋泡菜飯一齊食好match好惹味！!
仲有件柑橘可以解油膩🤣
✻蟹籽雞蛋蘋果薯仔沙律（$68）
沙律份量比想像中大
雖然賣相唔算特別吸引 但又幾好食🤣💓
有好多薯仔同埋蘋果🥔🍎
配埋蟹籽雞蛋同沙律醬一齊食好清新～(*¯︶¯*)
✻濟州柑橘乳酪（$68）
老實講本身覺得$68杯嘢飲有少少貴 🫣
但見係呢度嘅signature drink
而且賣相好吸引 所以都叫嚟試吓😚
點知真係好好味😳 好滑好香柑橘味🍊
柑橘同乳酪好match!! 酸酸甜甜好開胃
✻熱情金菠蘿沙冰（$68）
同樣賣相好吸引 有個菠蘿仔喺杯上面好得意🤣
打卡一流📸 菠蘿沙冰超級消暑解渴
好濃菠蘿味而且好香甜🥰
總結而言甜品同飲品都好出色 主食都唔錯
餐廳環境坐得舒服 店員好friendly
餐廳仲有啲柑橘🍊做裝飾好cute xd
係一間會令我想回訪嘅餐廳
尖沙咀都有分店～
1
