更多
2021-12-16
754 瀏覽
我老豆食嘢要求高，又嘴刁，鍾意食海鮮；我哋每年諗餐廳慶祝諗到頭都大，今年姐夫竟然大膽提議話請老豆去食海鮮，連餐廳都決定埋，我同家姐細佬梗係唔畀意見，坐定定等食啦～餐廳毗鄰魔鬼山，食飯之前可以睇埋日落，一家大細行都完全冇難度。餐廳門面光猛闊落，樓底高，有2層，樓上座位以房間形式為主，隱私度高，適合私人宴客形式。我們坐的房間有海景，可能我到嘅時候已經入黑，享受不了。就著餐廳員工的介紹和我們的喜好，我們有大有細，一共6大2小，點了很多不同嘅海鮮，包括帶子、蟶子、蝦、瀨尿蝦和龍蝦等，超豐富。海鮮湯來之前看過食評，很多人都大讚這裡嘅海鮮湯足料夠鮮味，今次試過後，發現的確鮮味十足，而且材料豐富，裡面除了有魚蝦之外，還加入了蜆肉、木瓜、芥菜、蕃茄、紅蘿蔔和豆腐等，喝起來魚鮮味濃，清甜而不膩，一點也不腥，反而，喝完也不覺有半點負擔，連平日不會主動喝湯嘅5歲小姨甥也喝了兩碗，十分難得。要說的是，呢餐飯嘅每道海鮮味道都相當不俗呢。生炒骨生炒骨同樣係呢度嘅招牌菜，店員介紹話午飯時間好多人會點。排骨炒得好惹味，酸甜味恰到好處，十分開胃；炸粉厚薄適中，入口鬆脆，如果可以多啲菠蘿就好喇～不過，如果同海鮮比較，一定
餐廳門面光猛闊落，樓底高，有2層，樓上座位以房間形式為主，隱私度高，適合私人宴客形式。我們坐的房間有海景，可能我到嘅時候已經入黑，享受不了。
就著餐廳員工的介紹和我們的喜好，我們有大有細，一共6大2小，點了很多不同嘅海鮮，包括帶子、蟶子、蝦、瀨尿蝦和龍蝦等，超豐富。
海鮮湯
來之前看過食評，很多人都大讚這裡嘅海鮮湯足料夠鮮味，今次試過後，發現的確鮮味十足，而且材料豐富，裡面除了有魚蝦之外，還加入了蜆肉、木瓜、芥菜、蕃茄、紅蘿蔔和豆腐等，喝起來魚鮮味濃，清甜而不膩，一點也不腥，反而，喝完也不覺有半點負擔，連平日不會主動喝湯嘅5歲小姨甥也喝了兩碗，十分難得。
海鮮湯
22 瀏覽
1 讚好
0 留言
要說的是，呢餐飯嘅每道海鮮味道都相當不俗呢。
生炒骨
生炒骨同樣係呢度嘅招牌菜，店員介紹話午飯時間好多人會點。排骨炒得好惹味，酸甜味恰到好處，十分開胃；炸粉厚薄適中，入口鬆脆，如果可以多啲菠蘿就好喇～不過，如果同海鮮比較，一定係海鮮出眾好多！
白灼海中蝦
24 瀏覽
0 讚好
0 留言
白灼海中蝦
除咗海鮮湯，另一樣令我姨甥仔食得津津有味嘅就係白灼海中蝦。蝦夠大隻夠新鮮，肉質實淨，食落爽口彈牙，唔沾豉油都好好食，食到蝦肉嘅鮮甜味，姨甥仔自己一個食咗差唔多半碟。
蒜蓉粉絲蒸元貝
粉絲煎元貝差唔多海鮮餐必食嘅嘢，熱氣騰騰嘅元貝一大盤端出來，賣相非常吸引，有氣勢；加上蒜香味，令人食指大動。必須強調的是，帶子超級大隻，你看，每隻都大約我姐的手掌，大大隻，又飽滿厚肉，夠肥美，吃起來彈牙唔乾身，爽甜無渣，伴著蒜蓉粉絲一齊食，十分惹味。
蒜蓉粉絲蒸元貝
12 瀏覽
0 讚好
0 留言
豉椒蟶子皇煎米粉
餐廳推介煎米粉，話係大廚推介菜式，咁我哋都無理由唔試。加上老豆鍾意食蟶子，就一於試下。見到廬山真面目，煎米粉隨即成為全場焦點，大家變得超雀躍，叫我快啲影完等佢哋可以食。
蟶子勁大隻，脹卜卜，同平時媽咪喺街市買返屋企烹調嘅真係完全唔同。食落爽口無沙，而且啖啖肉；一問之下，原來係高質貨，係嚟自愛爾蘭嘅蟶子！蟶子以外，煎米粉絕對更加係加分嘅一環。入口酥脆如鍋巴，配上味濃但唔鹹嘅豉椒汁，份外惹味，兩者簡直係絕配。
椒鹽瀨尿蝦
呢味海鮮係我老豆嘅至愛，出街食海鮮必食嘅。一碟有2隻瀨尿蝦，同平時長過手指多啲嘅真係相差好遠，原來可以咁大隻。你睇，每隻瀨尿蝦都舖滿椒鹽，食嗰陣鹹鹹哋，又辣辣哋，香口惹味，正～食呢款瀨尿蝦，一定要舔晒成隻蝦殻，舔埋手指先係最高境界！唔怕話你知，我哋ENCORE咗呢味餸，因為真係太精彩，老豆好鍾意～第2碟嚟嘅蝦仲要更加大隻，更多肉之餘，仲有埋膏，好CRAZY！
芝士焗龍蝦（伊麵底）
這個芝士焗龍蝦配伊麵有別於平時吃嘅芝士焗龍蝦，嚟到嗰陣，入面啲芝士仲滾緊，令人食指大動。另外，平時食呢個餸，會因為芝士太膩，調味太濃，會一啖起兩啖止，但呢個係完全唔會，反而令我食完一啖又一啖，一啲都唔覺漏。
唔知你有冇留意到，呢個芝士焗龍蝦嘅芝士顏色偏黃，同喺其他餐廳食嘅唔同，問咗老闆，原來係用咗比較另類嘅西西利島芝士，我更加係聽都未聽過啦～～～就係呢個芝士焗龍蝦，令平時唔係好鍾意食呢個餸嘅我都食過返尋味，有心機去品嚐啲龍蝦，蝦肉勁飽滿厚肉，食落爽彈有口感，令人忍唔住食多幾件。伊麵煙韌，配埋個芝士汁真係無得頂。
值得一提嘅係，呢盤芝士焗龍蝦真係好大盤，好似臉盆咁大，大盤過隔離煲湯。我哋打包返屋企，第2晚食一樣咁好味，蝦肉都係爽，無變霉到，好神奇呀！
招牌椰皇
甜品壓軸登場！聽說呢個係漢記嘅鎮店之寶，係上手嘅招牌甜品，老闆接手嗰陣，要求上手教授先得似保留，不過都唔完全係100%原來嘅秘方。聽講製作過程好複雜，差唔多要成個鐘，我地無提早預訂，數量有限，所以就2人share 一個嚟食。
招牌椰皇
12 瀏覽
0 讚好
0 留言
本身睇個樣諗住無咩特別，好似布甸口感，甜甜哋咁。但原來誠意十足，除咗用原個椰子上之外，仲用返椰子水，加入蛋白和日本3.6牛奶去原個燉，完全無添加糖份，食落唔只滑，而且有好滋潤嘅感覺，絕對係健康好味又打卡able嘅甜品！如果大家想食，建議訂位個陣預留埋～
今餐真係大滿足！重點係，連平時出街食飯彈三彈四嘅老豆都讚，仲話下次要再嚟，就知道水準唔會差得去邊。我同家人都覺得廚師功力好夠，每款食材都拿捏得好好，絕對值得大家一試。
最後仲有好大碟生果盤~
水果盤
18 瀏覽
0 讚好
0 留言
因為餐廳係鯉魚門，我喺食飯之前就先約朋友行個靚山，之後再JOIN屋企人去食晚飯～魔鬼山唔難行，睇日落真係一流，一家大細行都完全冇難度。不過我當日就嫌路線短，想行一個下晝，就去埋石礦場段，最後附上靚景畀大家望下啦。
張貼
