杣‧YASHIMA

營業中

休息中

先付け
蟹肉配豆腐鹹香嘅蟹味同蛋好夾，蟹汁鹹度恰到好處，食完都算幾開胃

北寄貝配鹽+麻油口感煙韌，咬落有少少似魷魚，配埋麻油好香！

前菜5点 𝒜𝓅𝓅𝑒𝓉𝒾𝓏𝑒𝓇
前菜嘅拼盤內共有五種小食，包括炸希靈魚配吞拿魚做嘅木魚平時我覺得希靈魚口感一般，但炸完後嘅魚子食落卜卜脆有幾有驚喜☺️
炸宮魚(據說是在冬天才有嘅魚，炸魚冇乜炸粉口感, nice!
甜豆帶蕃薯香，亦都有少少似韓國餐廳食到嘅前菜～
汁煮鰻魚，蒸出嚟嘅鰻魚有少少似廣東菜嘅蒸魚，魚身都幾滑！
最後係伊勢龍蝦🦞 外層酥脆配合奶油龍蝦汁，
係五度前菜入面我最喜愛嘅一樣嘢🤤

𝒮𝒶𝓈𝒽𝒾𝓂𝒾 お造り五点
白色嘅係九繪魚，又稱「日文石斑」，都幾有咬口我本身冇點Wasabi，但係覺得味道較淡，建議都係加番啲Wasabi吊味。
赤貝算係比較常見嘅刺身，不過呢個配住清新柚香味🍋😁👍🏻
🦐牧丹蝦口感好豐富，既鮮甜而且口感好彈牙又肥美！
💕灸燒嘅拖羅夠哂甘香，而且有師傅調製七味粉帶左少少spice而更增加層次感。

食完刺身後，師傅將紫蘇葉同埋蘿蔔絲捲住紫菜，比我清一清口，開始食熟食🤤

蒸し物
🦀菊花汁芝麻伴香箱蟹
呢個真係全晚最愛💕🤤 唔單止賣相吸引，一梳梳嘅蟹肉好好食，而且調味啱啱好唔會太鹹，蟹黃超多但唔會覺得膩，相信菊花汁幫手解左膩。🤓

煮物
🐟甘鯛魚配紫菜汁伴小辣椒
新鮮嘅紫菜汁唔會搶左味，而魚外皮脆內裡口感嫰滑，連皮食都得！

強肴　
春魚配椰菜花汁呢度塞口感比較似西式炸魚，配埋奶油香味+紫蘇葉，又係一個令人驚喜嘅配搭！

🍣 𝒮𝓊𝓈𝒽𝒾 𝓉𝒾𝓂𝑒 お握り鮨五貫
因為師傅都會為壽司調味，所以唔使加任何Wasabi或者鼓油都已經好夠味！師傅仲有示範比我哋睇點樣手握壽司，一嚿好嘅壽司飯係唔會咁易散開㗎！

北海道松皮蝶魚，上面係群邊，然後帶點果皮香，令味道更多層次！
沙甸魚非常鮮味，配合蔥嘅香味清新感UP!
赤身用咗鼓油漬，食落甜甜地仲帶柚子香添！
拖羅，咬到半筋半肉，油脂香而不膩😽 大好き💕

灸燒帶子啖啖肉，配埋燒紫菜，好似食緊手卷，不過wasabi就略辣。
北海道喜之次，喜之次平時都係煎熟咁食，但食刺身都係第一次，魚身柔軟而且魚味重，食得出肉質嘅水份！
昆布漬海膽，滿滿嘅海膽口感非常滑，如果甜啲會更好食！
燒汁海鰻壽司非常香，食落像今年年初到過的老字號燒鰻魚，燒香咗嘅鰻魚真係好香！

魚蝦味噌湯，蝦頭🦐嘅鮮甜配埋味噌湯底，飲完個人暖咗好多～

最後，𝒟𝑒𝓈𝓈𝑒𝓇𝓉 𝓉𝒾𝓂𝑒 水菓子
蛋糕本身冇預有驚喜，但係食落都係濕潤，甜而富有蛋味👍🏻👍🏻
🍡豆腐mochi小丸子，紅豆黑糖嘅配搭加上煙韌口感，就像湯圓咁！
靜崗士多啤梨，一個字；甜！
不得不提嘅係香印提子配埋清香Sake 啫喱，啫喱仲係用自家嘅酒去整，甘甜蘊養在口中，真係令人好滿足！