登堂 (已結業)

食晏時間要喺觀塘殺出「血路」實在難，不過呢日好彩，畀我同啲Friend搵到呢間登堂，佢個場好大好靚，就算座無虛席，你都唔會覺得逼同冇晒私人空間，防疫同舒暢指數滿分。嗰度嘅裝修，亦仿如為愛打卡嘅港女而設，夠光又夠亮，點影碟嘢都零舍好食咁。特別想讚佢個Toilet，靚到！又香喎，我Friend話同啲靚美容院廁所有得Fight！🍓瑞士熱溶芝士蟹肉酸種麵包 HK$148我最鍾意試複雜嘢， 呢碟嘢完全達標，材料包括酸種麵包、芝士、蟹肉、水波蛋、西芹（但我食唔出）、紅燈籠椒、麵包糠、水耕菜沙律同炸薯絲。最驚喜同令我食出高級味道嘅，係刨到好幼嘅紅燈籠椒絲，佢唔單止口感好，仲有煙薰香同椒香。另一驚喜位嚟自個薯絲，好好食，又似薯片、又似薯條咁，我未食過咁好食嘅炸薯。個水波蛋亦都恰到好處，蛋漿超好味，開心！至於主角蟹肉，份量係足嘅，味道係可以嘅，但稱唔上美味；而個芝士，只能話唔係我想像中咁美好同傾瀉，亦唔係好溶，好彩配菜補到好多分。🍓🍓🍓🍓🍓🍓🍓🍓🍓🍓🍓🍓🍓🍓🍓🍓🍓🍓我朋友就兩個都叫咗炭烤阿根廷草飼安格斯肉眼牛扒配意粉（HK$168），佢哋大讚個牛好有牛肉味，叫五成熟嗰位朋友話唔單止中間嗰陣粉紅色好靚，