影片
更多
2023-03-11
30 瀏覽
喺銅鑼灣食捐窿捐罅嘅話，其實都唔難發現好多特色嘅舖頭仔。喺渣甸坊旁邊嘅內街，有條隱蔽嘅巷仔，入邊就有間主打川燒的串燒店。未夠七點已經開始排長龍，幫襯嘅大概都係後生仔，舖頭冇得訂位，要喺門口掃QR code等位。望吓Menu見到幾十款嘢食，雞牛豬羊海鮮、蔬菜，連甜品都有。輕輕剔咗十幾款，試吓佢味道。舖頭都幾細心，每枱都有個小爐，輕輕將串燒保溫，食到尾串燒就唔會凍哂。¶⃰直男肥腸¶⃰猛男豬頸肉¶⃰金菇肥牛卷¶⃰燒雞腎肉類都有10幾款選擇，就由最邪惡嘅開始。肥腸好香脆，中間爆滿油脂，加上佢預先醃咗，好入味。猛男豬頸肉，好厚肉爽口，咬落去爆汁，邪惡到爆燈。另外金菇肥牛同埋燒雞腎，值得推介，火候控制得好好又唔會太乾。¶⃰蒜香燒生蠔¶⃰扇貝¶⃰笑蝦蝦見到好多人都點海鮮，於是乎都點咗兩款。餐廳用剷裝起，海鮮全部即叫即整，上枱仲係熱辣辣，職員都好細心提醒我哋小心。生蠔非常好食，蒜蓉味好濃，號肉亦冇縮水啖啖肉。扇貝簡單配粉絲，味道唔錯。至於燒蝦，乾身脆口。¶⃰紫薯召皮職員推介新出品，紫薯味召皮。用紫薯做嘅餅皮，包住腸仔木耳少少豆角，口感煙韌有啲特別。¶⃰青椒蝦滑¶⃰燒菠蘿¶⃰燒四季豆¶⃰粒粒粟米串蔬菜都有唔少選擇，最鍾意食燒菠
未夠七點已經開始排長龍，幫襯嘅大概都係後生仔，舖頭冇得訂位，要喺門口掃QR code等位。
望吓Menu見到幾十款嘢食，雞牛豬羊海鮮、蔬菜，連甜品都有。輕輕剔咗十幾款，試吓佢味道。
舖頭都幾細心，每枱都有個小爐，輕輕將串燒保溫，食到尾串燒就唔會凍哂。
¶⃰直男肥腸¶⃰猛男豬頸肉¶⃰金菇肥牛卷¶⃰燒雞腎
肉類都有10幾款選擇，就由最邪惡嘅開始。
肥腸好香脆，中間爆滿油脂，加上佢預先醃咗，好入味。猛男豬頸肉，好厚肉爽口，咬落去爆汁，邪惡到爆燈。
另外金菇肥牛同埋燒雞腎，值得推介，火候控制得好好又唔會太乾。
¶⃰蒜香燒生蠔¶⃰扇貝¶⃰笑蝦蝦
見到好多人都點海鮮，於是乎都點咗兩款。餐廳用剷裝起，海鮮全部即叫即整，上枱仲係熱辣辣，職員都好細心提醒我哋小心。生蠔非常好食，蒜蓉味好濃，號肉亦冇縮水啖啖肉。扇貝簡單配粉絲，味道唔錯。至於燒蝦，乾身脆口。
¶⃰紫薯召皮
職員推介新出品，紫薯味召皮。用紫薯做嘅餅皮，包住腸仔木耳少少豆角，口感煙韌有啲特別。
¶⃰青椒蝦滑¶⃰燒菠蘿¶⃰燒四季豆¶⃰粒粒粟米串
蔬菜都有唔少選擇，最鍾意食燒菠蘿非常之甜，另外粒粒粟米都好特別一份有10串，超有心機咁將粟米粒一粒一粒咁串起。雖然咁樣燒，但係又唔會太乾身。
另外仲好欣賞四季豆同青椒蝦滑，蔬菜來講唔會燒到乾晒。
川式風味，味道濃，重口味嘅朋友應該會好欣賞。價錢來講，都幾抵食，有啲仲係一式兩份，而且無加一，兩個人嘅話300 400都好夠飽。
張貼
