影片
更多
2023-03-29
110 瀏覽
好耐都冇食燒肉放題，平時同朋友食都會鍾意去試唔同嘅餐廳，今次就簡咗呢間萬丸燒肉，主打日式燒肉放題。我同朋友今次就選擇咗$348嘅特上燒肉放題，主要入面係有安格斯牛同特別用壽喜燒汁醃製嘅肉。———————————————🌟燒肉燒肉方面基本上所有牛類我地都食咗一次，特別推薦大家壽喜燒汁封門柳同肩胛脊肉，呢兩隻都係最薄同埋牛味最濃，油脂分佈亦都好靚，食落啲肉都嫩滑。另外加上壽喜燒汁味道更香更好味，大家仲可以選擇叫日本蛋嚟點牛肉食，感覺就會更有壽喜燒嘅風味！除咗牛肉外，特別令我想推薦比大家嘅係雞皮串，其實過去係香港嘅燒肉放題都唔多見到有雞皮串，雞皮串燒完之後基本上係超香跪，雖然好肥好邪惡，但真係必叫之選😆.🌟海鮮我哋主要叫咗日本小魷魚、多春魚同鯖魚，強烈推薦小魷魚，快熟之餘小魷魚口感一啲都唔韌。多春魚同鯖魚味道都好唔錯，燒熟後基本上唔洗點樣加汁都好好食。.🌟沙律／小食強烈推薦大家叫唐揚雞軟骨，真係好好食！個皮咬落一啲都唔會覺得厚或者有種好麵粉嘅感覺，相反個皮係超脆，熱辣辣咬落去仲有啲汁保留係入面，再一次推薦比大家👍🏻沙律佢地有分車厘茄同粟米沙律，個人比較建議車厘茄沙律，佢個汁會配柚子沙律汁比較
———————————————
🌟燒肉
燒肉方面基本上所有牛類我地都食咗一次，特別推薦大家壽喜燒汁封門柳同肩胛脊肉，呢兩隻都係最薄同埋牛味最濃，油脂分佈亦都好靚，食落啲肉都嫩滑。另外加上壽喜燒汁味道更香更好味，大家仲可以選擇叫日本蛋嚟點牛肉食，感覺就會更有壽喜燒嘅風味！除咗牛肉外，特別令我想推薦比大家嘅係雞皮串，其實過去係香港嘅燒肉放題都唔多見到有雞皮串，雞皮串燒完之後基本上係超香跪，雖然好肥好邪惡，但真係必叫之選😆
.
🌟海鮮
我哋主要叫咗日本小魷魚、多春魚同鯖魚，強烈推薦小魷魚，快熟之餘小魷魚口感一啲都唔韌。多春魚同鯖魚味道都好唔錯，燒熟後基本上唔洗點樣加汁都好好食。
.
🌟沙律／小食
強烈推薦大家叫唐揚雞軟骨，真係好好食！個皮咬落一啲都唔會覺得厚或者有種好麵粉嘅感覺，相反個皮係超脆，熱辣辣咬落去仲有啲汁保留係入面，再一次推薦比大家👍🏻沙律佢地有分車厘茄同粟米沙律，個人比較建議車厘茄沙律，佢個汁會配柚子沙律汁比較開圃，相反粟米沙律係配普通沙律醬而且醬會偏多少少，食落就會比較易滯。
.
🌟蔬菜
大家如果怕食得太多肉一定要記得叫返個生菜包，生菜全部都好新鮮好清甜，包住肉放入口食口感更豐富。另外都有好多茄子、杏鮑菇、翠肉瓜比大家燒，平時燒呢啲好易會變到乾噌噌，但呢間放題有特別提供油掃，大家簡單掃一掃自然就食得更開心！
.
🌟其他
主食方面呢度都有提供紫菜飯比大家送肉食，本身仲想試埋過冷烏冬，但因為真係太飽唔想浪費食物就冇叫到。
.
🔸整體評價🔸
食物質素嚟講性價比都算高，變相其實係好似食緊壽喜燒放題，而且服務亦都好好，基本上食物叫完我都冇催過全部都好快上菜，就算我哋坐房職員都會好主動過嚟收空碟。每次上菜亦都會介紹返係邊種肉，感覺員工都好專業。唯一係手機點餐會有多少少限制(點餐頻密程度、數量)，同埋小食種類唔算多，但整體都冇太大影響，如果大家鍾意食壽喜燒其實都真係幾推薦食呢間👍🏻
.
🔸味道：9/10
🔸環境：9/10
🔸服務：9/10
🔸打卡指數：8/10
———————————————
🍽萬丸燒肉
📍銅鑼灣駱克道463-464號銅鑼灣廣場二期8樓
———————————————
張貼
