更多
2020-08-11
918 瀏覽
呢間拉麵店喺2014-2020年連續攞咗七年嘅米芝蓮，一入去就可以見到七塊獎牌掛晒喺牆上面好有氣勢🏆，啲店員仲好似係日本人嚟。.🍜辣味沾麵（$95）個湯底係用木魚豚骨熬製而成嘅，辣味令成個湯底更加出，平時唔太鍾意食沾面嘅我都超鍾意呢度嘅沾麵呀👍！出面嘅沾麵好多時因為怕唔夠味都非常死鹹，呢度完全冇呢個問題，又唔會冇味，掛湯能力強，而麵底可以選擇冷麵或者熱麵，我揀咗冷麵，麵條會比較彈牙，而且冷麵唔係喺雪櫃拎即刻拎出嚟超級凍冰冰嗰隻，係室溫狀態，好貼心唔會令個湯即刻凍晒，叉燒有兩塊，肥肉略略多過瘦肉少少。好食程度：🌕🌕🌕🌕🌕.🍜豚骨拉麵（$85）呢個相對上就冇咁驚喜，湯底比較鹹，而且食食吓唔知點解會有陣雞湯味而唔係豚骨味，麵質方面有彈性，叉燒都係有兩塊， 肥肉略略多過瘦肉少少。好食程度：🌕🌕🌕🌖🌑.🍗日式炸雞Lunch set 加$10 換咗兩件炸雞，炸雞超級脆，炸皮薄到好似冇咁，咬開淡淡肉汁，好食😋好食程度：🌕🌕🌕🌕🌕.🥟雞皮餃子見到幾特別好似冇乜地方有就Lunch set 加$10叫咗嚟試，total有三舊，覺得雞皮炸得唔夠耐，唔夠脆，同埋入面個餡有啲少。
.
🍜辣味沾麵（$95）
個湯底係用木魚豚骨熬製而成嘅，辣味令成個湯底更加出，平時唔太鍾意食沾面嘅我都超鍾意呢度嘅沾麵呀👍！出面嘅沾麵好多時因為怕唔夠味都非常死鹹，呢度完全冇呢個問題，又唔會冇味，掛湯能力強，而麵底可以選擇冷麵或者熱麵，我揀咗冷麵，麵條會比較彈牙，而且冷麵唔係喺雪櫃拎即刻拎出嚟超級凍冰冰嗰隻，係室溫狀態，好貼心唔會令個湯即刻凍晒，叉燒有兩塊，肥肉略略多過瘦肉少少。
好食程度：🌕🌕🌕🌕🌕
.
🍜豚骨拉麵（$85）
呢個相對上就冇咁驚喜，湯底比較鹹，而且食食吓唔知點解會有陣雞湯味而唔係豚骨味，麵質方面有彈性，叉燒都係有兩塊， 肥肉略略多過瘦肉少少。
好食程度：🌕🌕🌕🌖🌑
.
🍗日式炸雞
Lunch set 加$10 換咗兩件炸雞，炸雞超級脆，炸皮薄到好似冇咁，咬開淡淡肉汁，好食😋
好食程度：🌕🌕🌕🌕🌕
.
🥟雞皮餃子
見到幾特別好似冇乜地方有就Lunch set 加$10叫咗嚟試，total有三舊，覺得雞皮炸得唔夠耐，唔夠脆，同埋入面個餡有啲少。
好食程度：🌕🌕🌗🌑🌑
.
總括嚟講我覺得嚟依度一定要食沾麵！🍥
·
📍 ラ-メンジ 拉麵Jo (Ramen Jo)
銅鑼灣加路連山道3號地舖
辣味沾麵
$95
22 瀏覽
0 讚好
0 留言
豚骨拉麵
$85
48 瀏覽
0 讚好
0 留言
張貼
