Aussie Grill by Outback (已結業)

【葵青區】【Aussie Grill by Outback】之前都有啲機會去咗兩次葵芳，包括但不限於去美食嘉年華拍嘢。放心，我係唔會話畀大家聽我拍咗啲乜，因為都係冇我個樣嘅。而聲音導航方面，其實我一直都想喺度做嘅，不過一直都未有時間搞，有時間我不如執吓啲文字先啦。咁嚟到葵芳，就唔一定要去葵涌廣場掃街嘅，之前都同大家講過幾間葵芳可以坐低食嘅餐廳。然後我睇返，原來自己都講咗十二間葵廣掃街小食店，嘩，唔講唔覺係做咗咁多呀。咁今次過返新都會呢邊，貌似高檔啲，就試呢間想試好耐嘅西餐啦。我去咗兩次，第一次去嘅時候試咗個「烤挪威三文魚扒」，味道上我覺得其實都幾好食，煎得唔錯，雖然我知佢技術含量唔高，但好食就得啦。配菜係「炸薯條」，果然係 Outback 嘅副線，一樣係咁出色，份量都幾充足，算係大快朵頤。嘢飲方面我就飲「汽水」嘅，可以出去汽水機嗰度無限量任飲，包括雪碧、可口可樂、雀巢檸檬茶、雀巢 FUZE TEA 蜂蜜梨茶、最近好多 foodie 接咗 job 嘅無糖可樂，同埋芬達橙汁嘅。呢餐午餐食 $120，中規中矩啦，唔算好平。第二次去，叫咗「美國和牛切片西冷」，已經係叫五成熟，都有啲靭，唔係太好