嘉樂冰廳 (新村街)

營業中

休息中

【荃灣區】【嘉樂冰廳】呢間嘢喺二十年前無啦啦盛極一時，唔知點解無啦啦變咗荃灣名物。嗰陣記得就已經食過傳說中嗰個大奄烈，得鋪大，無特別，嘢飲仲要散叫。你問我嘅話，我覺得荃灣康樂茶冰廳仲有人情味。不過一場嚟到附近，又睇吓佢哋而家變成點，有冇改善同進步囉。叫咗 $33 嘅「滑蛋鹹牛肉三文治」，滑蛋又係勁大，都係冇乜蛋味，唔明，加 $2 烘底其實我覺得有冇都差唔多。反而無心插柳之下叫咗 $29 嘅「豉油皇雞翼」四隻又幾好食，首先個汁好味，好有 feel，其次就係隻隻雞中翼都好飽滿，啖啖肉，有驚喜。跟住嚟嘅係 $24 嘅「脆爆華田西多士」半份，兩件西多粒，華田味欠奉，好一般。嘢飲揀咗 $26 嘅「蓮子冰」，係散叫嘅，都幾多蓮子，而家少咗機會飲到，就算啦。埋單 $112，下次可能只係過嚟食糖水就算，佢哋力推嘅「炸雲吞」我見銷情都係麻麻。。。（地址：荃灣新村街40B號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty