影片
更多
2023-12-11
251 瀏覽
【灣仔區】【聯威餐廳】銅鑼灣渣甸街食肆林立，而年青人食店更加係潮起又潮落咁，開完又執執完又開，一歲一枯榮。而我作為一具劇毒肥叔，梗係幫襯啲啱我嘅餐廳啦。而呢間聯威餐廳就真係啱晒我要求，夠毒，夠麻甩，成件事佬味好濃呀。之不過我始終係一個毛都未出齊嘅黃毛小子，嚟到呢啲地方都係食返啲細路仔先食嘅嘢。叫咗個 $62 嘅「美式什扒」配黑椒汁，幾塊薄扒加條腸再加隻雞翼事小，個「喳喳聲」事大，塊板都算熱嘅，啲嘢食就正正常常咁啦。個餐唔配嘢飲，跟個「凍奶茶」都要加 $9 ，有啲撳住搶嘅感覺。而呢杯奶茶當然亦都唔係啲咩驚世傑作，普普通通茶記凍奶茶一杯囉。咁就七十幾蚊嘅話我就唔係太滿意，價錢我畀得起，主要原因係我完全冇飽足感覺呀。用多 $32 叫個「花生醬西多士」填飽埋呢餐，咁佢個西多又唔差，花生醬夠厚實，仲係用粗粒裝花生醬，咬落有啲嘢趙吓咁，幾好。不過餐飯就咁樣昇華到去一餐過百嘅晚飯，埋單價 $103，係兩年前嘅價，而家可能唔得喇。。。（地址：銅鑼灣渣甸街54-58號1樓）#1amfoodie #foodie #hkfoodie #thatfoodiething #hkfood #food #insta
之不過我始終係一個毛都未出齊嘅黃毛小子，嚟到呢啲地方都係食返啲細路仔先食嘅嘢。叫咗個 $62 嘅「美式什扒」配黑椒汁，幾塊薄扒加條腸再加隻雞翼事小，個「喳喳聲」事大，塊板都算熱嘅，啲嘢食就正正常常咁啦。
個餐唔配嘢飲，跟個「凍奶茶」都要加 $9 ，有啲撳住搶嘅感覺。而呢杯奶茶當然亦都唔係啲咩驚世傑作，普普通通茶記凍奶茶一杯囉。咁就七十幾蚊嘅話我就唔係太滿意，價錢我畀得起，主要原因係我完全冇飽足感覺呀。
用多 $32 叫個「花生醬西多士」填飽埋呢餐，咁佢個西多又唔差，花生醬夠厚實，仲係用粗粒裝花生醬，咬落有啲嘢趙吓咁，幾好。不過餐飯就咁樣昇華到去一餐過百嘅晚飯，埋單價 $103，係兩年前嘅價，而家可能唔得喇。。。
（地址：銅鑼灣渣甸街54-58號1樓）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #聯威餐廳 #樂心冰室 #美式什扒 #花生醬西多士 #凍奶茶 #1am1222 #1ambackup
張貼
