阿四快餐 (已結業)

【油尖旺區】【琪旺家】喺尖東食嘢，多數都係啲貴價嘢，不過亦都有啲茶餐廳。今日想講呢間係一間幾抵食嘅餐廳，以廉價西餐為招徠嘅。佢哋之前係叫「Uncle 4 阿四快餐」，喺香港都有幾間。最近尖東呢間叫「琪旺家」，不過換湯不換藥。講到第一次食就已經係好耐之前，見到有 $72 嘅鐵板套餐「黑椒雜扒配薯條」就叫個嚟食。咁當然係跟黑椒汁同薯條，湯就飲忌廉湯。味道上就一般架喇，港式快餐店質素，唔要求太多。加 $2 飲「凍檸茶」少甜，都可以。之後嗰次食 $60 嘅「正宗海南文昌雞飯套餐」跟中湯，都係加咗 $2 要「凍檸茶」不過今次走甜。質素上隻雞就好一般，失望。而再之後就食 $59 嘅「芝士蒜蓉焗豬扒意粉」飲忌廉湯同加 $2 嘅「凍檸茶」走甜，都係焗嘢穩陣。所以佢改名後我都係食 $65 嘅「仿鮑片黑椒汁焗肥牛意粉」改咖喱汁，晚市送「楊協成甘蔗水」，冇咗水吧咁。總括而言，諗唔到食乜之下，過嚟食個快飯都係一個唔錯嘅選擇，唔係我都唔會食咁多次，穩陣啲咪食焗嘢。。。（地址：尖沙咀漆咸道南69號閣樓）#1amfoodie #foodie #hkfoodie #thatfoodiething #hkfood #f