滾爺火鍋 (上海街)

營業中

休息中

【油尖旺區】【滾爺火鍋】上次喺 1am1048 同複姓哥嚟食過一次，不過嗰次食「滋味清湯」心有不甘想試埋「招牌椰子雞鍋」，所以就把心一橫夾咗車車姐嚟陪我試埋呢個滾爺火鍋嘅其中一款招牌湯底喇。去到佢哋已經清潔好，我都準備好喇。湯底 $248 嘅「招牌椰子雞鍋」有貨，價錢係包半隻雞喺入面，侍應好細心咁畀時間我哋同啲材料影相打咭。係真係椰子同椰皇嘅汁液嚟做湯底呀，仲有椰子肉、馬蹄等配料，見到都興奮定先呀，跟住落啲料落去煮到出煙就熄火。侍應預備埋沙漏畀我哋計時，熄火焗五分鐘就啱啱好。不過我覺得耐多一兩分鐘都冇問題，因為無論係髀肉定胸肉都超滑，又索晒啲椰子水，好味。講起椰子水，個湯底愈煮愈濃，愈煮愈甜，攪到我哋成日忍唔住偷飲，哈。我哋其實都已經飽咗，不過都試埋 $228 嘅「Choice級美國安格斯牛肩胛」，牛味都幾香濃，入口順滑，好食。今次主要試佢個湯底，果然冇令我失望，都幾推薦呀。全單連埋加一同 $18 位嘅醬芥，埋單價 $523.6，幾好呀。。。（地址：旺角上海街428號地舖）@bubblyfeasthk@滾爺火鍋#1amfoodie #foodie #thatfoodiething #g