御將燒 (雙子匯1期)

開放式廚房由日籍師傅即席烹調，鐵板上嘅大阪燒香氣四溢～坐喺窗邊仲可以欣賞啟德開揚景致，視覺同味覺雙重享受🌆

🔸廣島燒配廚師沙律 $118
店內招牌菜，師傅即叫即製：先鋪椰菜豆芽做底，再加入五花肉同麵條，最後淋上醬汁同撒上海苔～鹹甜醬汁層次豐富😍下次一定要試埋大阪燒！

🔸安格斯牛柳炒烏冬 $168
安格斯牛柳切粒仍保持鮮嫩，烏冬炒到微微焦香又彈牙，每條都掛滿醬汁～

🔸焦糖多士雪糕 $58
即場用火槍炙燒砂糖形成脆脆焦糖層，暖烘烘多士配上Oreo雪糕🍨冷熱交融嘅口感超滿足！