火鍋撚 (雲明行) (已結業)

老蘭過多一條街 嚟個火鍋夜蒲都唔錯! 重點!? 傾計都唔需要用極高分貝大叫出聲。 環境: 樓上鋪, 地方寬敞, 整個環境都極具中國風特色, 木色桌椅加紅色吊旗, 紅木顏色十分醒神。食物:打邊爐除咗講求食材嘅多元化, 新鮮同品質外, 湯底都至為重要! 而麻辣湯底係每次火鍋都必選的, 再多加一個蜂巢豆腐白湯鍋雙拼, 按自己喜歡嘅口味點選想要嘅湯底拾下拾下, 正!  🥘祖傳秘製麻辣鍋 - 對於受唔到太辣的人嚟講, 呢個小小麻辣程度嘅湯底就岩晒你, 小小辛麻又唔會愈滾愈辣, 用嚟拾一拾啲肉入口係岩岩好!🥘蜂巢豆腐白湯鍋 - 養生嘅人士不得不選呢款多個中藥材熬製而成嘅湯, 少少嘅參香味加香濃奶白嘅豆腐味, 真心不錯!  不得不提, 兩款湯底本身都有鴨血同自家制嘅蜂巢豆腐做湯料 (當然仲有其他湯料), 尤其鴨血經過花椒辣椒等煮過, 吸入晒所有湯底嘅精華, 完全冇血腥味, 仲有小小麻辣味㖭。 對於兩款食物都中意食嘅小妹嚟講,  係食唔停口!而其他可點選食材方面, 種類亦都好多的, 由手打丸, 不同口味的醬爆丸, 手切牛, 安格斯肥牛,  黑豚肉, 梅花豬肉,羊肉片,  鮮雞件, 雞子, 海鮮, 餃子