影片
更多
2023-04-13
135 瀏覽
呢排係好多朋友Story都留意到呢間充滿霓虹燈嘅酒吧，明口就已經有大大個九龍城寨霓虹燈牌，門口要禁一禁門鐘先，好快就有人出嚟招呼我地。入面成個格局基本上都令人眼前一亮，只能話真係每一個位置都係一個打卡位，真係好有特色。———————————————🌟Mancoco $108呢杯飲品主要係芒果汁同yogurt，杯上面仲有個夾同花做裝飾。外表睇落去就好似一杯普通嘅芒果沙冰，但飲落我個人認為係調得好唔錯，味道您會飲得出係新鮮芒果果種酸酸地嘅感覺，基本上係好似真係冇落糖原汁原味，每啖後勁會有少少乳酸帶出嘅奶味什至令我有少少椰香嘅錯覺。個人口味而言我係會鍾意甜多少少，但整體其實我都係勁滿意呢杯飲品，係出面唔會飲到嘅味道。.🌟大力特飲 $128呢杯大力特飲嘅外表就係人人皆知嘅益力多包裝，但比正常嘅益力多就大杯好多。呢杯飲品本身係一杯Vodka嘅雞尾酒，飲落一啲都唔難入口，佢另外再加有桃味同橙味係入面，成個味道係非常之夾，特別適合怕酒精苦味嘅女仔！.🌟沙嗲肥牛煲仔飯 $70酒吧入面食煲仔飯真係一個非常之有趣嘅體驗，佢呢個煲仔飯係用錫紙盒整，一開頭其實有少少失望以為會冇飯焦，點知最後食到底驚喜地發現有
呢排係好多朋友Story都留意到呢間充滿霓虹燈嘅酒吧，明口就已經有大大個九龍城寨霓虹燈牌，門口要禁一禁門鐘先，好快就有人出嚟招呼我地。入面成個格局基本上都令人眼前一亮，只能話真係每一個位置都係一個打卡位，真係好有特色。
———————————————
🌟Mancoco $108
呢杯飲品主要係芒果汁同yogurt，杯上面仲有個夾同花做裝飾。外表睇落去就好似一杯普通嘅芒果沙冰，但飲落我個人認為係調得好唔錯，味道您會飲得出係新鮮芒果果種酸酸地嘅感覺，基本上係好似真係冇落糖原汁原味，每啖後勁會有少少乳酸帶出嘅奶味什至令我有少少椰香嘅錯覺。個人口味而言我係會鍾意甜多少少，但整體其實我都係勁滿意呢杯飲品，係出面唔會飲到嘅味道。
.
🌟大力特飲 $128
呢杯大力特飲嘅外表就係人人皆知嘅益力多包裝，但比正常嘅益力多就大杯好多。呢杯飲品本身係一杯Vodka嘅雞尾酒，飲落一啲都唔難入口，佢另外再加有桃味同橙味係入面，成個味道係非常之夾，特別適合怕酒精苦味嘅女仔！
.
🌟沙嗲肥牛煲仔飯 $70
酒吧入面食煲仔飯真係一個非常之有趣嘅體驗，佢呢個煲仔飯係用錫紙盒整，一開頭其實有少少失望以為會冇飯焦，點知最後食到底驚喜地發現有唔少飯焦，又脆又香口。調味上其實唔錯，但我略嫌個醬多咗少少，導致最後幾啖飯會偏咸。
.
🌟氣炸乳鴿 $98
呢個氣炸乳鴿第一啖咬落去係超驚喜，個皮熱辣新又香脆一咬就已經有汁流出嚟，而且調味都唔錯，個皮有少少蜜糖果種甜味。唯一可惜嘅係佢應該氣炸時間整得唔夠耐，所以食到去中間個心其實就偏凍，溫度同表面果層比較大分別，如果下次熱辣辣咁食相信一定就會更正！
.
🔸整體評價🔸
呢間酒吧飲品係最推薦，因為呢兩杯特調味道都非常令我滿意。睇返餐牌其實飲品有超多款，除咗平時酒吧嘅經典cocktail外仲有好多佢地自己好有本地特色嘅特調雞尾酒，例如醉檸茶同凍檸賓等都推薦大家試試！
張貼
