影片
更多
2022-04-23
139 瀏覽
其實喺香港食omakase真係一隻手數得哂，多數都係去日本或者台灣食多。咁啱朋友生日，見網上評語都唔差，加上食兩個鐘，三個人可以慢慢食傾下計，唔洗愁下站去邊(當時2人限聚)，三個人會二、一咁分開坐，中間有一塊透明板隔住，但都係坐隔離，唔會有太大影響。入到去其中一間房會有3個師傅，分別接待幾枱客。值得一提店員好有禮貌，不時加茶水等。🍣 壽司14貫定食 $518(另外加一服務費)★★★☆☆中午食簡左呢個SET，唔係最貴，但眼見都多人食呢個SET，而且都有食評指呢個性價比高。一坐低師傅就馬上上左前菜，有沙律、漬物及茶碗蒸。喺大家享用嘅同時，師傅就會著手準備食材並放喺一邊備用。然後逐一開始製作壽司，上碟時亦會簡單介紹每款壽司。漬物可以無限任添，三款漬物分別有醃蘿蔔、蒜頭同埋一條條好似葛之類嘅野，非常之開胃同入味！蒜頭好特別，完全唔覺食緊粒蒜頭，食落冇陣辛辣味同埋好爽脆！沙律新鮮，酸酸甜甜幾開胃，茶碗蒸夠熱，好滑身，有香菇、小帶子等海鮮，食落鮮甜。Omakase每件壽司都會用到當天最新鮮同當造食材烹調，每個師傅都會輕微唔同配搭！每件壽司都已加左WASABI，師傅亦叫大家唔需要點醬油，食番每款壽司
🍣 壽司14貫定食 $518(另外加一服務費)
★★★☆☆
中午食簡左呢個SET，唔係最貴，但眼見都多人食呢個SET，而且都有食評指呢個性價比高。一坐低師傅就馬上上左前菜，有沙律、漬物及茶碗蒸。喺大家享用嘅同時，師傅就會著手準備食材並放喺一邊備用。然後逐一開始製作壽司，上碟時亦會簡單介紹每款壽司。
漬物可以無限任添，三款漬物分別有醃蘿蔔、蒜頭同埋一條條好似葛之類嘅野，非常之開胃同入味！蒜頭好特別，完全唔覺食緊粒蒜頭，食落冇陣辛辣味同埋好爽脆！沙律新鮮，酸酸甜甜幾開胃，茶碗蒸夠熱，好滑身，有香菇、小帶子等海鮮，食落鮮甜。
Omakase每件壽司都會用到當天最新鮮同當造食材烹調，每個師傅都會輕微唔同配搭！每件壽司都已加左WASABI，師傅亦叫大家唔需要點醬油，食番每款壽司的原味同鮮味！因為太多款壽司，都記唔哂每一款嘅名同特別之處。但總括黎講食完哂14款壽司覺得正常，略帶普通左啲，好多壽司食完冇帶俾好大驚喜或者好鮮美嘅感覺。其中拖羅唔算肥美，蝦同海膽都冇好鮮甜，帶子係OK鮮甜爽口。有3-4款魚嘅壽司覺得係唔錯，有D唔同嘅調味，幾特別！整體所有壽司食落唔差嘅，只係食omakase可能會期望再高少少。食完壽司每人仲會有一個麵，如果太飽可以轉做麵鼓湯，甜品就係柚子雪芭，幾清甜解膩。🌟總括：雖然價錢唔貴，但個人認為冇太大驚喜，成餐冇太大記憶點，個人覺得刺身類嘅壽司好似海膽、拖羅等唔係超級鮮甜，反而經師傅加左調味嘅壽司更為出色有驚喜。但整體食物水準絕對唔係差。店員、師傅服務態度等都一流，環境衛生環境都乾淨企理。
張貼
