影片
更多
2022-08-17
152 瀏覽
尖沙咀日式餐廳【松】小編幫襯過幾次～ 價錢實惠 食物質素高😝 今次諗住同朋友再次造訪 點知行到門口發現招牌唔同咗 一問之下先發現原來係改左名做【日見】！舊客們要留意啦🧐雖然改咗名 但係入面嘅環境裝修依然同之前一樣✨～ 今次朋友生日 試左$1480嘅Omakase🥳 同師傅全程都互動十足 師傅為每樣野食都作左詳細嘅介紹😚 而每樣壽司上之前師傅都有重新抹過隻碟 由細節位已經感受到師傅嘅專業！🌟前菜前菜方面有雙重柚子蕃茄、漬物-牛蒡同合桃小女子～ 蕃茄鮮甜醬汁為自家調配🍅 而牛蒡則十分爽脆！合桃小女子個名好特別 但其實小女子係玉筋魚嘅意思 將玉筋魚炸完之後以鹹甜醬汁熬煮入味，再配上新鮮核桃調製而成~ 食落甜甜地又鹹鹹地 作為開胃菜一流🥰🌟 刺身刺身喺Omakase入面都算係重頭戲之一~今次首先試左北海道帶子、吞拿魚赤身等 味道鮮甜 材料新鮮😆 再嚟就係中吞拿包住海膽同鱈魚乾！真係刺身都要配搭！海膽creamy一齊食真係勁好味🤤 最後就係仙鳳指蠔配海膽🤩 只可以話師傅對食材一啲都唔吝嗇 連生蠔🦪都可以配住海膽食🤤 小編真係食到幸福嘅味道🤣🌟 和食和食方面首先有虎蝦再配上番薯同菇天婦羅🍤 炸粉份
尖沙咀日式餐廳【松】小編幫襯過幾次～ 價錢實惠 食物質素高😝 今次諗住同朋友再次造訪 點知行到門口發現招牌唔同咗 一問之下先發現原來係改左名做【日見】！舊客們要留意啦🧐
雖然改咗名 但係入面嘅環境裝修依然同之前一樣✨～ 今次朋友生日 試左$1480嘅Omakase🥳 同師傅全程都互動十足 師傅為每樣野食都作左詳細嘅介紹😚 而每樣壽司上之前師傅都有重新抹過隻碟 由細節位已經感受到師傅嘅專業！
🌟前菜
前菜方面有雙重柚子蕃茄、漬物-牛蒡同合桃小女子～ 蕃茄鮮甜醬汁為自家調配🍅 而牛蒡則十分爽脆！合桃小女子個名好特別 但其實小女子係玉筋魚嘅意思 將玉筋魚炸完之後以鹹甜醬汁熬煮入味，再配上新鮮核桃調製而成~ 食落甜甜地又鹹鹹地 作為開胃菜一流🥰
🌟 刺身
刺身喺Omakase入面都算係重頭戲之一~今次首先試左北海道帶子、吞拿魚赤身等 味道鮮甜 材料新鮮😆 再嚟就係中吞拿包住海膽同鱈魚乾！真係刺身都要配搭！海膽creamy一齊食真係勁好味🤤 最後就係仙鳳指蠔配海膽🤩 只可以話師傅對食材一啲都唔吝嗇 連生蠔🦪都可以配住海膽食🤤 小編真係食到幸福嘅味道🤣
🌟 和食
和食方面首先有虎蝦再配上番薯同菇天婦羅🍤 炸粉份量適中 因為係即炸嘅關係 所以咬落極脆～ 另外仲有南非鮑魚！師傅以慢煮嘅方法煮到熟之後再浸數小時 超級入味！🤩 因為全程連埋紫蘇葉烹調嘅關係 所以食落仲有淡淡嘅紫蘇葉味~鮑魚配左用昆布湯煮嘅白蘿蔔🥕 一咬落去啲湯汁即刻滲晒出嚟 好似飲緊湯咁🤣
🌟壽司
另一樣好特別嘅野就係餐廳嘅壽司飯全部都係粉紅色 真係未見過！😍 師傅話係加左啲自家配料 有助降血脂、通血管～ 另外師傅亦都教落食壽司唔洗點豉油 同埋要用手食! 夠哂地道！
壽司數量唔少🍣 如薄切左口魚 味道清淡 鮮味十足、金目鯛配白松露 以白松露帶引岀金目鯛嘅甘香、真鯛配蒜頭辣椒油 一入口即刻勁重蒜香味 相當特別‼️ 之後就到煙燻鰹魚~ 師傅用左傳統嘅方法以蘋果木燻鰹魚 食落有微微煙燻味 有曬視覺同味覺享受🤣 黃金牛肉壽司再配上海膽都係另一個小編覺得好好味嘅！牛肉本身以為會好硬 點知食落超嫩滑🤤 再來就係黑松露喜之次 喜之次脂肪量極其豐富 肉質都好細嫩 可以喺到食到十分驚喜😍
最後‼️令小編最最最Surprise 嘅就係呢個海盛壽司‼️ 因為佢係以北海道牡丹蝦、海膽等刺身搭成嘅13層壽司！你冇睇錯！係13層🤣最後師傅會以日本生菜將佢包住 食落真係極度享受🤣 絕對係得呢間餐廳先有😆
🌟 汁物
汁物方面有綢魚奶湯～師傅表示係以大量海魚🐟用7-8小時熬製岀嚟 其間只係落咗少少鹽 冇其他添加～ 仲有助美顏添！🤩
🌟甜品
甜品方面有椰子雪糕同菠蘿雪葩～好特別嘅係佢用翻椰子同菠蘿嚟做容器！🌼 椰子雪糕以新鮮椰子做成🥥 所以食落真係勁香椰子味 小編大愛🤤 而菠蘿雪葩食落則有好fresh嘅感覺🍍
整體嚟講餐廳質素非常高！仲要食到好飽😋 唔洗食完翻到屋企再淥杯麵🤣 大家記住bookmark左佢啦！
張貼
