Steak Together (已結業)

【北區】【Steak Together】嚟到粉嶺中心，之前食過呢頭嘅米子燒肉家，覺得幾好食。咁佢隔離仲有間西餐，好神秘咁樣，喺外面睇入去有少少暗唔係好清楚，好似幾有情調咁。睇其他 foodie 寫嘅時候，見到入面原來唔算暗，都幾光猛。間嘢叫 Steak Together 但係好似冇乜扒類嘅食物，本身想鋸個扒嘅我都一籌莫展，好彩睇過其他 foodie 寫食 cafe 嘢，咁好啦，我都食個 $98 嘅「英式全日早餐」啦。咁個餐仲有餐包同埋無糖冰紅茶，個茶似中茶，好笑。咁個餐裡面就有「焗咖啡菇」、「忌廉炒蛋」、「香煎豬肉腸」呢啲正常全日早餐嘢，佢哋味道一般。「煙肉」炸到勁油同埋走硬脆方向，「焗藤茄」都係好一般。最後嘅「意式香草麵包」根本係頭先塊餐包，重覆係咩事。成件事感覺麻麻哋之下，叫埋都係 $98 嘅「甜品拼盤」，本身係被推薦食當日嘅甜品，但係既然嚟得寫嘢，試多幾樣嘅話就好似拼盤好啲。首先係「意大利芝士蛋糕」，我唔係好覺得佢係芝士蛋糕，普通甜甜哋嘅 cake 一件。反而個「酥皮蘋果卷」幾好食，蘋果味好香濃，酥皮又脆。個「朱古力心太軟配雲呢嗱雪糕」方面，心太軟好似唔夠多軟心位，而個雪糕有啲似