🐥泰北咖喱雞金麵
泰北咖喱雞金麵嘅主角係原隻雞髀，肉質嫩滑😍輕輕一拆就骨肉分離👍🏻咖喱醬汁充滿濃郁椰香，甜甜地帶點微辣，味道溫和～麵底用鮮雞蛋麵，彈牙爽滑超掛汁，吸滿咖喱汁後更加入味🤩特別一提係點綴嘅炸蒜，卜卜脆嘅口感為整道菜加分，帶來驚喜嘅層次感，絕對係必試！
🦪泰式蚵仔煎
泰式蚵仔煎係一道充滿海鮮風味嘅經典～蚵仔新鮮飽滿，泰式蚵仔煎同中式蠔餅唔同，呢款係偏軟身，唔使驚熱氣🤣蛋香同海鮮嘅鮮甜完美融合，配上特製嘅泰式醬汁，酸辣平衡，簡單但充滿風味🥰
🐖馬沙文豬頰肉飯
馬沙文豬頰肉飯用上馬沙文咖喱，香氣濃郁，味道濃厚而不膩～豬頰肉肥瘦適中，入口軟腍，配上軟糯嘅馬鈴薯，增添口感層次🤩仲有附送一碗白飯，份量十足，食完真係飽到上心口🤣
🥭芒果糯米飯
泰菜必點甜品，糯米飯軟糯香甜，帶有濃郁嘅椰奶香，入口黏黏地又唔會太乾👍🏻配上新鮮芒果，酸甜多汁，完美平衡糯米嘅甜膩🤩
🥥椰青
新鮮嘅椰青水清甜自然，飲落去瞬間解渴又消暑😍椰肉嫩滑，輕輕一刮就入口，搭濃味菜式係絕配🥰
🍹芒果椰子沙冰
充滿熱帶風情嘅飲品！芒果嘅濃郁甜香同椰子嘅清新奶香完美融合，冰沙細膩順滑，入口冰涼又唔會太甜👍🏻
總結：泰北咖喱雞金麵有驚喜，嚟呢度必試！
1
